اقتباس المشاركة الأصلية كتبت بواسطة cool-girl بسم الله الرحمن الرحيم ودي اليوم اطرح قضية الشباب العزاب بصراحه هذه الفئه المنبوذه من المجتمع المكروهه في الاجتماعات الاسريه وفي المنتزهات الترفيهيه وفي الاسواق العائليه وفي المطاعم الخليطيه يعني نشوف الواحد لما يكون متزوج يكره يشوف احد عزوبي لا في سوق ولا في شارع ولا في مطعم ولا منتزه وتكون نظرته له نظرة حقد ويقول في نفسه وشذا السربوت الي مرينا من جمبه ويعني بعض الناس الله يهدينا وياهم في السفر تلقا الحرمه كاشفه ومابقا الا ترقص واذا جا واحد سعودي قال اقول ذا مامعه احد ورا مانغير الطاوله ويبدأ يناظره كل شوي ويشوف وين عيونه تروح الشباب فئه مساكين نبغا نحتويهم والدليل ان الشبا ب عندنا منبوذين جسر البحرين نهاية كل اسبوع نلاقي العالم سرا وزحمه كل هذا ليه يبي يعيش بدون استحقار واهانه ودي اطرح عليكم فكره دام احنا كلنا مثقفين وبدل ما يكون اللوم على الشاب وانه لازم يتربا وياخذ بالجزمه على راسه ولي يغازل يجلد ويتشهر فيه ويسحب زي (الحلو) قدام الناس طيب ليه مايكون هناك شرطه نسائيه في الاسواق والاماكن العامه يعني البنت الي تمشي زي كذا وعبايه مخصره وتصفر يمسكونها يادبونها ولا بس الشباب الي لازم يتربا دعوة عامة للنقاش ابي آرآئكم تحيااااااااااااااااااااااااااااااااااااااااااااااا اااااااااااااااااااااااتي بسم الله الرحمن الرحيم السلام عليكم ورحمة الله وبركاته. في الحقيقه اختي كوول, لفت انتباهي عنوان هذا الموضوع واقشعر بدني من محتواه ارجوا ان تتقبلي كلامي برحابة صدر. ولن اتكلم كثيرا على الرغم من انه ألمني كثيرا ماقراءته. سأطرح هذه التساؤلات اللتي ارجوا ان تتأكدي من اجابتها أولا.. ولا يمنع ان نسمع إجابات ممن يمرون على هذا المتصفح ولديهم حقائقها ودلائلها الثابته: السؤال الأول: من اين لك معلومة ان الشاب العزوبي منبوذ من المجتمع.؟ ومن يستطيع أن ينبذه..؟ ولكن حين تتكلمين عن الاسواق والمطاعم "الخليطيه" , فمن الواجب عليك تغير الموضوع وعنوانه بالكامل. وحين تتكلمين عن السفر وتغطية الحرمه لوجهها, فهو موضوع اخر. السؤال الثاني: من اين لك معلومة ان الشباب مهان ومحتقر في السعوديه؟ اسمحوا لي ان أجيب عن هذا السؤال: يقول المثل " من عز نفسه وجدها" ومن كان مهانا ومحتقرا في بلد فهو كذلك في كل البلدان. ومن ناحية الغزل والحلول اللي تم طرحها منك اختي كوول فهي موضوع اخر بعنوان اخر. أختي كوول ارجوا ان يكون كلامي مصدر الهام لا استهمام. وارجوا ان اكون ضيفا خفيفا على متصفحك... ماذكرت ماذكرت الا لسبب واحد....وهو اني اتوقع منك خيرا وفيرا وليس يسيرا فكا ن من واجبي تنبيهك وتنبيه اي قاريء بعدم الخلط في المواضيع فتضيع ونضيع والشباب معزز ومكرم وهو مقبول من المجتمع غير منبوذ وهي حياتنا نعيشها ونلمسها والحمدلله مرحب بنا في اي منزل مشرف فنكون شرفا للمنزل ويكون هو شرف لنا.. تحياتي غريب