أحبك كلمه لو تعرف ورود الحب منها تغار
ويقلب لونها أسود لأن الحب هاجرها
أعرفك فاهم{ن} قصدي وترميني على الأعذار
وأنا لأجلك أحب الليل ودمعاتي أسامرها
أبي كلمة أحبك حيل تريحني بلاش أحتار
وأباهي روحي بحبك وكل الناس قاهرها
لأني أسمع العالم تبيني لو بيدين الثار
وأنا قبلي أبو ليلى أخذ ثاره وحررها
وأنا ثاري إذا شفتك أحس الحيل بي ينهار
وأشوف الناس تكرهني وأنا دايم أعبرها
أحبك يابعد عمري أحبك حب يشعل نار
قصيدي بس لعيونك دخيل الله تبهرها
وإذا قصدك تجافيني أبحرق قصه وتذكار
وأبطوي صفحة الماضي وخلك في مخاطرها