يالكبر الأماني والزمان الشحيح
ما وصلت لسبيلي لين ضاع السبيل
أبتعد بس تكفى. لا تناسى جريح؟
ضاع عمره رجاوي ما درابك قليل؟
لا تقول إنه اقفى بالنوى مستريح
يا حبيبي وربي بالفعل ..مستحيل
كيف بأقفي وانا الي من طعونك يصيح؟
والبشر ما درت بي بس صبرٍ جميل..؟
تدري اني حكيتك .لأني اكبر صريح؟
جابته وجه دنيا فوق كل الفصيــــل
بس والله خساره ارتجي بك وأطيح
ما هقيتك حبيبي عن دروبي تميل؟
رحلتي من عذابك شوفها للضريح
حسبي الله لقيتك كنك أكبر عميل
بعد حبك فؤادي من ضلوعي يسيح
وبعد حبك دريت أن المحبه مقيل
ما تصح المحبه لو يصح الصحيح
وما تجود الليالي لو يجود البخيل
كم تمنيت راسي فوق حظنك طريح؟
لو تقصه سيوف ٍ ما اجمله من رحيل؟