سولفي . . حرريني من فراغي وهــمّي
قبـل الاحـزان تغــزل صــوفها في يديّه
قبـل اصـير الضحــيه واطــلب بثــار دمّي
حـبـري اللي نزفتـه من يـــردّه علــيّه
وردي اللي زرعــــته في كتــابي وفمـّي
قبــل اشــوفك نثــرته للحيارى هــديّّه
يا زمـــانٍ خـذلني لجــل انـاديـــه عــمّي
جيت كلي شمـــوخٍ ما اتحمّل خطيـه
جيت مدري حدتني أجــذب الغــيم يمّي
جمــرةٍ في خفوقي رغم الامطار حيّه
ما رجيتك . . وأنا ادري لورجيتك تسـمّي
رجوتي لك خضــوع الذل قبل العـطيّـه
خــلّها .. هالعنـــود اللي تســلّى بـذمّي
تـتـبـعك في دروبٍ ما تـوصّــل لفيــّه !
با عتبرها قصيـــده اختفت وســـط كمّي
لوحــروفي يتامى .. ما اعتبرها وصيّه
سولفي يا حروفي عن سبـب كل همّي
تشــرب الحــبر عيني والملامـح يديّه