السلام عليكم
فعلا هذه المجله تغني عن اشياء كثيره
هيبة الجاني
اكـيد انك على غفله نسيت وجبت لي سيره ..
او اني ماعرفت اعلمك وشلون تنساني
كثر ماكنت اشوف ان المفارق ضيقه وحيره..
كثر ماكنت احس انك ولهت وجاك ماجاني
اعرف الحب الاول مايموت ومايجي غيره ..
واعرفك كل مايطري عليك القرب تلقاني
اجل ماقلت لك ساعه معك تسوالها ديره ..
علامك تزرع الغيبه قصيد وتحصد احزاني
تغيب وماتبيني اطوي الدرب ومشاويره ..
وانا لولاك ماكان القصيد يحرك اشجاني
اذا ماكل شاعر يكتب الهامه وتفكيره ..
تعال اكتبني في دفتر حياتك واعزف اللحاني
حبيبي والطعون اللي تجي من خنجرك خيره .
.لان الجرح ياخذ هيبته من هيبه الجاني
تعبت وكل ذنب بغيبتك ماتت معاذيره ..
مثل ماكنت مسرف بالعطايا وانت حرماني
تخيل حتى لو قلبي بديت اشعر بتقصيره .
.ادور لك بداله قلب يعطي والعمر فاني
لو انك تفهم احساس الغلا وشلون تأثيره ..
فهمت اشلون ماشوفك واجيب اسمك على لساني
تصدق عاد ؟ انا والشوق والاحساس والغيره ..
جلسنا كل واحد يشكي غيابك على الثاني
اقولك شي ؟ وماتزعل علي ؟ وتفضها سيره ؟ ...
انا اسـف نسيت اعلمك وشلون تنساني