جبت القلم قصدي بيوت ن جدادي
بيوت شعر ن كلبوها جزاله
غادي ومن يطرب من الناس غادي
يقوله المعبود رب الجلاله
شاعر يهيم ابها على كل وادي
لكن قوله ينطبق مع فعاله
لله درك يالسهوم الحدادي
اللي تبين وقتنا وش مجاله
لو أن وقعك مثل وقع الهنادي
لكن تبين طيب ناس ونذاله
يابنت جاني علم علم ن وكادي
أن الوفا عندك مبدل بداله
أثر الخيانه عندكم شي عادي
لاتنكرين العلم عندي دلاله
شافوك معه مشبكين الايادي
ناس تجيب العلم ماهم حثاله
الله يوفقكم سعيد وسعادي
وانا قطعت الحب واقصر حباله
وقت ن تساوا فيه بيض وسوادي
ماعاد يرجى فيه خير وجماله
ولله درك يالسهوم الحدادي
اللي تبين وقتنا وش مجاله
لاهنت حبيس عليها
دمت بود.....فزووووو