اولا: مشكورين على الموضوع
ثانيا: ياخوي انت صادق في كل شي لكن بالنسبه لي افضل اللي بيتزوج ويعدد انه يكون صريح مع زوجته الأولى لأنها عشرة عمره أكثر من الثانيه واذا كانت ام اولاده حتكون احن عليه من الثانيه وغيرها وغير كذا الأفضل له عشان مايكون التعدد نقمه عليه ويكون نعمه ان يعدل بين زوجاته ويحاول يزرع الحب والموده بينهم عشان يكونون اخوات ويعينونه على حياته وعشان مايكون بين الأولاد كره وبغض اذا قدر يعمل كذا او انه قادر يعمل كذا وقتها يعدد ويتزوج اللي يبغى لاتقولون هذا الشي مايسير ومايقدر ومافيه كذا في هالدنيا إلا فيه انا صحيح بنت وباقي ماتزوجت لكن زواجي ان شاء الله قريب وانا ما أمانع هذا الشي وبصراحه انا شفت عيلتين عايشين حياتهم بالشي اللي ذكرته رجالين واحد فيهم متزوج ثنتين والثاني متزوج ثلاث وكلهم عايشين بنفس البيت يعني مافي تفرقه بين الأولاد والزوجات عايشين أخوات في بيت واحد وكل وحده فيهم تتعامل مع ولد ضرتها كأنه ولدها وهذا أروع مايكون
عشان كذا لما يجي الرجال بيتزوج الثانيه والا الثالثه عليه انه يختار الطيب مو الحلا والزين ويوفق بينهم
اتمنى اني ماأكون ثقلت والا ضايقت أحد بكلامي وخصوصا خواتي لكن هذا الشي اللي المفروض يسير لأن بصراحه الرجال طلباتهم كثيره ومتعبه للمرأه أحيانا وسلمتم