غريبة كيف تشغلني ظنوني = وبعض الظن في الخلان عيبه
وغريبة كيف اصدق ماتقوله = وثلاث ارباع صدقك فيه ريبه
صغر عقلك وهقاويك وغرورك = تصور لك خيالات عجيبه
تقول اني اذا خالفت شورك = انا للكذب اقرب من قريبه
واقول اخسى وشل ّ الله لسانك = تموت, تموت, ما تلقى بي عيبه
كأن الكذب ما لامس شفاهك = وهو طبعك ودوم ملتهي به
تحسب اني بموت من المحبه = وغيابك عن هوى قلبي مصيبه
حليلك ماعرفت اني بشموخي = أصوب خنجر لقلبي وأصيبه
ولا اخفض لك عشان الحب هامه = ولا ارخي لك مقامات مهيبه
انا بنت الجنوب اهل المكارم = انا نسل الشيوخ اخت الشبيبه
ابوي اكرم بدينه من ظلالك = وتعلى حيل لو يلفحك طيبه
ولي عم(ن) ملى هالكون صيته = كبار القوم دوم(ن) تنتخي به
ماهو مثلك يتيم من الرجوله = يكون محمد الغالي نسيبه
انا ارفع من خيالاتك وحلمك = انا اصلي فوق مثلك وش ابي به
ولو خليت من الارض الرجوله = ولا بالكون غيرك ما ارتضي به
ولو ما صار بالدنيا سوالف = ولابه غير ذكرك ما اجيبه
ولو طالت سنيني وشاخ عظمي = ولو يغزي الشعر مليووون شيبه
ولو قالوا العنوسه طاولتني = ولابه غير زولك ما التوي به
ابي اعنس ..واعنس..وهم باعنس = ولا ايدك طرف ثوبي تصيبه
واذا الثامن ورا السبع العجايب = يغصبوني على قربك غصيبه
بحفر القبر باسناني وايديني = واموت وعزتي ماهي صويبه
وسنين بتشرق بدمعك عليّه = ويجف الدم بعروق(ن) رطيبه
وتتوه بأرض ربك وانت هايم= وغريب تموت ..في أرض(ن) غريبه
,,,,,,,,
موال صح لسآآآآآآنك وعلا شآآآآآآآنك
ونعم والله بك وبأصلك
لا تحرمينا من روآآآآآآئعك
دمتي بخير
......
مهآآآآآآجرة