السلآم عليكم ..
هاذي قصة عدنان,ولينا مدبلجه بلدوي
تلفزيون [ الـــــــــود] القنااه الاولى
السلام عليكم...
مغامرات عدنان ولينا
جمعتهم أماني جمعتهم أماني...
أماني حلوه حلوه...
حلوه وبريئه حلوه...
حلوه البراءه حلوه
عدنان يتحدى المصاااااعب
عدنااااااان عدنااااااااان
البدااااااااااااية
عدنان: علامتس يالينا معصبه؟
لينا: مدري ياخوك احس اني بنخطف زي كل مره
عدنان: اتخسى سميرة ويخسا علام وكل جنود القلعه واعلى مافي خليهم يركبونه
لينا: مانيب مرتاحه مغر انتافض من الرعاعه وشكلهم بيخطفوني
عدنان: اللي يقرب منك بلقنه ضرب ماينساه زال هو حي
لينا:يابعد قلبي ياعدنان .. انا اشهد انك ذيب يازقنك زقناه ياحبيلك وبس
عدنان: كح كح ومستحي تسلمين.. المهم وين عبسي الخبل؟؟
لينا: مدري يمكن يصيد ضفادع عشان الغداء ولا يكلم بالجوال
عدنان: وع الله يقرفه ذا الشين... المشكله انه خويي ولازم اتحمل بلاويه اولت امس ابو البنت اللي يكلمها كفشه وانا قلدت عليه صوت بنت وقلت اني خويت بنتك
لينا : منهي البنت ذي معنا بالمنتدى الود؟
عدنان : لا يقول انها اضافته بالغلط
لينا: اها يمه يمه .. اسمع صوووت طيارة سميرة يااااويلي!! ياهجادي منها هجاداه
عدنان: لاتخافين وقفي وراااي واللي امــه حالبه على خشمه يقرب
**سميره مع الجنود نزلو من الطياره**
**سميره تتكلم بالمايك من بعيد**
سميره: سلم نفسك ياعدنان ولاترز وجهك وتسوي فيها حبيب
عدنان: اقول تلايطي بس ولايكثر وارجعي من محل ماجيتي للعن ابوتس اللي جابتس
سميره: جنب عني هناك وخلنا نخطف لينا براحتنا
عدنان: يخطفك جني يالعوباااااا.. اللي يرشها بالماء ارشه بالدم
سميره: اقول لاتتميلح وتسوي نفسك مصري اوكي!
عدنان: لينا ماتبيكم ولا تبي عيشتكم.. لينا خطيبتي وانا متكفل بكل مصاريفها
سميره: الله واكبر على المصاريف؟ كلها فستان واحد وطق لونه من كثر الغسيل
عدنان <<<< طاح وجهه هع هع
لينا: انتي عاوزه ويش؟ انا موش هينا انا خرجت بره ومش رقعالكم تاني لو تبوسين عرقووبي
سميره: اقول انطمي انتي الثانيه لاتسوين نفسك مصريه وتلعبين علي .. ترى حركاتكم هذي معروفه وراعين اخر زمن
عدنان: ماعاش اللي يقول حق لينا انطمي .. يابنت احمدي ربتس زال النفس علاتس طيبه
**صارت معركة قوية بين عدنان والجنود**
**في البداية عدنان صفقهم وبعد شوي طاح في الارض وتوطو بطنه**
**الجنود خطفو لينا في الطياره وانطلقو الى القلعة**
عبسي: عدنان علامك تونون؟ وش فيك ياضعيف النصيب؟؟
عدنان: اي.. اح.. ضلوعي متكسرة وراسي يتحمطر بي كني فوق مروحة بيتنا
عبسي: ماذا حدث؟ وش جاك علامك علمني ياخوك
عدنان:اقول انطم بس .. سميرة والجنود كانو هنا وتمردغوني وخذو لينا للقلعه
عبسي: افا ياذا العلم؟ لماذا لم تناديني عشان اسوي فزعه؟
عدنان: وانا وش عرفني في اي جحر انت؟ طوول يومك تحووس ورى هالضبان
والضفادع .. اقرفتنا في عيشتنا ياشيخ
عبسي: طيب ماذا سنفعل الحين؟ وش السوات
عدنان: ابيك تراقب الميناء اذا شفت سفينة القبطان نامق علمني عشان نطمر فيها
عبسي : حسنا ياسيدي <<<< ماسكه معه الفصحى خخخخخخ
**بعد ساعتين مرت السفينه**
عبسي: عدناااان عانها جت السفينه هيااا بنا نروح ننقز كي لايشاهدنا احد
عدنان: اسمع خلنا نتوزى في المخزن حق السفينة واذا وصلنا للقلعه ننطلق ورى لينا
**وصلت السفينة الى القلعة**
عدنان: انا بروح ادور لينا .. وانت اثنبر هنيا راقب لنا
عبسي: انا بفتح اللاب توب واشيك على ايملاتي لين ترجعون <<<< وش حقه جاي؟؟ لوووووووول
عدنان: انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
عبسي: لاتخاف اذا حد شافني بقولهم انا برب في المنتدى
**عدنان وصل الى غرفة لينا ويكلمها من ورى الشباك**
عدنان: حياتي ليونه وحشتيني <<< حلوه ليونه لووووووول
لينا: هلا والله .. ولكمووووووووو نورت القلعه .. شخبارك؟ شخبار الوالده؟
عدنان: يسلمووووووووو .. كلنا بخير ومشتاقين لك
لينا: تشتاق لكم العافية
عدنان: وانتي شلونتس؟ وش علومتس؟
لينا: يووووه انا طفشانه مررره وكل شوي يسطروني
عدنان: ولايهمك اوريهم .. على فكره ترى عبسي جاء معي ويسلم عليك
لينا: وينه الشين؟؟ شخباره؟ عساه طيب؟
عدنان: ابشرك بخير ونعمة .. والرجال يحترينا عند السفينه ويغازل البنات في المسنجر
لينا : هذا مايشبع من المغازل هو وثنيته الطايره
عدنان : ياوجدي عنك عبسي مشبك كل بنات القلعه
لينا: طيب يالله انقذني بسرعه وراك تحب السواليف الدقاقه؟
عدنان: ابعدي شوي تراني بضرب القزازه براسي واكسرها
** تم انقاذ لينا وانطلقو الى السفينه**
عدنان: عبسي يالله سرينااااااا
عبسي: ولكموووووووو نورت الجزيره هلا وغلا
لينا: ياشباب ترى سميره تركض ورانا بالمشعاب .. بسرعه نبغا نهرب في السفينه زبنوني تكفون هجو انحاشو ماتت ناركم
عبسي: المصيبة ان القبطان نامق نايم وجايله شخييير
عدنان: دق عليه جوااال وخله يصحى ماعاد فيه وقت قل اما غنات الذيب ولا فقره زبنا لا رحم ابوك ولا قل جت رساله من فلانه في المنتدى
**اتصــــــال**
نامق: الووو.. مين معي؟
عبسي: نامق تكفى ترى تكفى تهز رجال
]نامق :ابشر بعزك... امر وش بغيت؟
عبسي: قم شغل السفينه وخذنا معك نبغا نهرب من سميره
نامق: ياويل حظي لاتقول سميره ترى اخق من طاريها ازريت اشبكها
عبسي: اقول بلا هذره اخلص علينا نبغا نفرك من هنا وسيمره معي ايميلها
نامق : قل قإأ
عبسي : قسم وايميلها في لوفي بعد بس تكفى زبنا قبل يطرحونا ثم نروح مرواح عفشن على دنـــــه
نامق: اوكي تعال السفينة وماعليك انا بتصرف ولا ابن امه يجيب خبرنا
**ركبو السفينة ونامق نزل عشان يتكلم مع سميره**
سميره: وينهم؟ وين خبيتهم؟؟ اعترف؟
نامق:: ياويل حالي .. عليك عيون ماهيب صاحيه اذووب انا
سميره: اقول تلايط بس.. وين لينا؟؟ وخروفها عدنان
نامق : عدنان الكمخه هذاك لينا تسحبه ومخرفن تحتها
سميره : ايه عدنان الورع اللي مسوي فيها فتوه ويحب له بزره ماتسوا التاليه من الغنم
نامق: سميره مستعد اعطيك لينا لكن عطيني رقمك تراني خقيت واللي كان كان
سميره: هاهاهاها ضحكتني .. رقمي وش تبي فيه؟ مفصووول
نامق: اويلااااه عليك والله اني رايح للنعال معك .. ابيك تكونين حبيبتي وتاخذين رقمي ونسولف تالي الليل مثل هالمراهقين
سميره: ياولد استح على وجهك ترى جوالي سوى <<<< يعني افهمها واشحن لوووول
نامق: كل بطاقات السوى تفداااااك بس خليني اسكن قلبك لو ليله وحده كح
سميره <<<< تناظر في جزمتها ينقالها مستحيه هع هع
نامق: وش فيك تناظرين جزمتك؟ ناويه تضربيني صح؟
سميره: لا شدعوه .. بس كنت افكر في جوال الدمعه يقولون فيه بلوتوث وحركات
نامق: شركة نوكيا بكبرها ماتغلى عليك ياقلبي
سميره: يؤيؤ لهدرجه تحبني؟؟
**عدنان طل براسه من السفينه**
عدنان: ماخلصتو انتو؟؟ ياخي اخذ رقمها وفكنا .. نبي نمشي
سميره: تمشي في عينك .. انا بروح معكم لووول
نامق: تفضلي ياقلبي ادخلي برجلك اليمين
لينا: يمه يمه .. سميره بتروح معنا؟؟ انا خايفه تضربني انا سارقه كحلها
عدنان: لا تخافين... نامق روضها خلاص وخققها بكلمتين
عبسي: كفوو نامق اثرك مغزلجي مثلي.. الحين نقدر نعيش مرتاحين وابيك تشبك لي
** اغنية النهاية **
اصدقائي ياصحاب..
من قيرلس وبويز..
نلتقي هذا اللقاء...
نلتقي.....
تجمعناالمودة .. يجمعنا الوفاء...
تجمعنا الهبالة.. يجمعنا الاخاء...
ونلتقي بقرحة... بقرحة نلتقي...
مثل طيورالسماء