ليلة الثلاثا كلها هم وحزان =لأبوي أنا بالحيل ياخوي ولهان
أرجوك ياخوي اتصل لاتأخر= هات الخبر عن والدي لاتناسان
كلم أخوي بهاتفه والحزن لاح= قالوا أبوك اختاره اليوم رحمن
صاح وفقد وعيه وأنا مثله أمسيت= كني قريصٍ يشتكي سم ثعبان
حاولت أكذّب وأجحد الموت لكن =الموت حق ولانفع فيه نكران
يابوي غبت وغاب من عقبك النور= الدار بعدك كنها دار شيطان
جدرانها جرح وشبابيكها خوف =ماكن فيها عاش يابويه انسان
يابوي كنت الظل والعز والجاه =مسح دموعي يادفا كل الأحضان
ماكنت أحس بضيق مادمت موجود= كانت حياتي كلها شوق وألحان
مرحوم ياأغلى من الروح مرحوم= وعساه قبرك روضةٍ وردها زان
عزاي انك غبت والراس مرفوع= قضيت عمرك بالفضايل والاحسان
وربيتنا على الشرف والكرامة =علمتنا ان العمر نفحة ايمان