والله يابابا الي خلانا نفكر ناخذ واحد اجنبي هو انتم والله مثل ماتتزوجون أجنبيات ترا إحنا من حقنا نتزوج أجانب وبعدين أخوي بنسل لا تقعد تتطنز على هالمساكين الهنود وطقتهم يمكن هندي إنشالله لو يشتغل عامل نظافه ملتزم وخلوق ويحس بزوجته ويصلي الصلاة على وقتها أحسن من سعودي مليونير لا يصلي وربي غاضب عليه ويشرب ويرتكب محرمات بصراحه لو خيرتو اي بنت لها عقل ووازع ديني أكيد بتاخذ هندي و صدقني بناتنا كثير أكثر من شبابنا وعلى هذا يمكن نص شباب السعوديه يفضلون الزواج من الخارج والبنات والله العظيم مساكين الوحده بس تتنتظر متى يدق باب بيتها إنشالله لو عجوز ومهرهر وحتى لو هندي ترضا فيه طيب لا تلومون البنات إذا تزوجو اجانب انتم أبصملك على العشره ثلاث أرباعكم متزوجين أجنبيات بكيفنا حريه شخصيه يعني انتم لها الدرجه مستحقرين الهنود وغيرهم صدقني إحنا السعوديين مو كاملين وفينا من العيوب مالايعد ولا يحصى وعلى هذا شايفين أنفسنا ليش كذا مو حرام؟ الرسول صلى الله عليه وسلم هو أعظم أنسان في الكون هذا كله وماتكبر وشاف نفسه مع انو يحق له لانه اعظم انسان ليش احنا مستهترين بالغير( هالهنود والبغاليين وو الخ) تر مهما كان هم مثلهم مثلك ناس عندهم مشاعر وعندهم أحاسيس أخوي بنسل إذا كنت سعودي بتضمن دخول الجنه انت ضامن دخولك الجنه ولالا؟ جاوبني شوف مافيها شي انو الواحد يفتخر انو سعودي او البنت تفتخر انها تكون سعوديه وصدقني أنا أول من تفتخر ببلدها وصراحه انا أعشق بلدي يمكن أكثر من أي أحد غيري بس لو مريت لاسمح الله ماجاني نصيب اني أتزوج واحد سعودي ايش بسوي اقعد عانس عشان ماجاني واحد سعودي أكيد مارح أرفض أي أحد لو أنه أجنبي مادام ابن البلد ماحصل من نصيبي( مع انو مافيه أحد مثل إبن البلد أو بنت البلد) ولوخيروني سعودي فقير أو أجنبي غني أكيد رح أختار سعودي وأنا مغمضه عيوني بس فيه بنات مرو بظروف خلتهم يتزوجون أجانب وأنا متأكده لو كان بإمكانهم يتزوجون سعودي كان إختاروا أنهم يتزوجون سعوديين.
عموما شكرا على الموضوع الممتع
مع تحياتي لك