قصه حقيقيه وموقف كتبت فيه القصيده ولم تستغرق ساعه وانا ابتعدت عن التنزيل في النت لاني وجدت جميع قصائدي للاسف مســــــــرووووقه ومنزله باسماء ضعوف انفس في منتديات اخرى
وهذه القصيده نشرتها قبل ايام في احد المجلات لحفظ الحقوق لا للشهره
لاتخلقين اعذار من دون برهان=قولي انا مابيك وخلي وشاتي
طعنتي قلبي فوق طعنات الازمان=ماهي جديده طعنك ياغناتي
قبلك عذاب الوقت فصلي اكفان=جيتي وجهزتي اللحد في حياتي
ماهي غريبه دمعتي فوق الاوجان= بس الغريبه ضحكتي في شفاتي
يابنت انا وهمي رفاقى واخوان=واحيان القى في قساته طراتي
وان مربي وقت ومن عقبها لان=جاء من يجدد فوق جرحي عناتي
ما والله اجزع دامني طير حوران=وليا عطيت اعطي ولا اقول هاتي
ماقول انا كامل ولافي نقصان=بس الوفاء يابنت اصغر سماتي
واليوم كان فراقنا عندكم هان=قبل الوداع اكتب بدمي وصاتي
كلمة (احبك)لاتقوليها لانسان=الا اذا صرتي كما كان ذاتي
روحي على فالك وتلقين خلان=لكن قليل اللي يسوي سواتي
تحيه معطره لجميع الاعضاء واقول الله يوفقكم لما يحبه ويرضاه
والتحيه الثانيه لاخوي (غرام الشوق)انا مابيني وبينه اي علاقه
ولوكان هناك علاقه لكان شرف لي ولكن اقول سجل اعجابي
واشد احترامي لك شخصيا ولمشاركاتك يالغالي
اخوكم/ملك الكلمه