[الشاكـــي]

السلام عليكم ورحمة الله

كيف حالكم حبايبي

وفقنا الله واياكم بالاختبارات


موضوعي اليوم له فترة وهو براسي
.واليوم قررت اكتبه واضعه امامكم..
هو ليس مشكلة نظرية او عادة سئة.
بل هي قد تكون فضيحة ومشكلة لا ننتبه لها ..
ونمر عليها تقريبا كل يوم..

اذا ذهبت الي أي سوق كبير او مجمع..
تتسوق وتشتري ماطاب لك..
وتخرج عائدا الى سيارتك..
ولكن الم تلاحظ شيئا وانت خارج ؟؟

الم تلاحظ تلك النسوة الاتي يبسطن بضاعتهن على بواية السوق وبجانبه.. ؟؟

الم تتسائل مالذي يجبرهن على العمل وتحمل كل تلك المصاعب والاتعاب.؟؟



حبايبي...

اليوم وانا خارج من السوق ..
الجو كان بارد جدا ..
وهواء يلسع بالجسم ..
وخاج السوق وبسبب الجو البارد الهواء كله ملوث بغازات السيارات ..
يعني كتمه وجو يمرض..
نظرت ولقيت نساء على مدار السوق باسطين ببضاعتهن.
اشياء بسيطه اقمشه وبخور وطرابيبش وشراريب ..
مريت على وحده وقلت ابشتري منها..
سألتها ياخاله ايش الي يجبرك بهالبرد تقعدي هنا وتبيعي ؟؟
مافيه احد من اولادك او قرايبك يصرف عليك؟؟

قالت لي والله ياولدي اني مالي احد يصرف علي ..
والاجار حل علي ..
ومصاريف البزوره والبرد يحتاجون ملابس واكل ومصروف..
وفواتير والمويه..
مالي غير ربي وهالبسطه..


قلتها طيب وين الضمان الاجتماعي والجمعيات.. ؟؟؟

قالت ياولدي انا بيتي اجار وعندي بزوره كثير والمصاريف كبيره .
. والضمان ما يغطيها..
ونفسي عزيزه ماقدر اشحد من احد.

وكل الحريم الي تشوفهم جنبي نفس حالتي ويمكن اخس ...
وفي وحده اعرفها عمرها في الستينات ,, كانت تبسط وهي من عمرها 15 الى الحين ..

طيب كم تطلعين باليوم؟؟

احينا ماتوصل مية ريال..!!

صراحة كلامها قطع قلبي ...
يعني معقول بهالبلد الغني ماشاء الله ..
ووجود جمعيات وأهل الخير ..
يكون بينا وحولينا أمهات محتاجات زى كذا ومحد يساعدهم؟


انا وانتم يمكن مانقدر نغير شيء سوى التناقش والكلام عنهم..

لكن فية طريقة نقدر نساعدهم فيها..

خاصة انتم يالبنات (مدمنات السوق)ههههههههه

يعني اذا تبغى تتسوق مر عليهم وانت خارج ..
وحتى لو منت محتاج اشتري منها واعتبرها صدقة لوجه الله..
يمكن الخمسين ريال الي تشتري بها منها تسد حاجة كبيره عندهم.

انشاء اللة اكون وصلت الفكرة.

وانتظر تعليقاتكم وحلوللكم لها المشكلة.


تحياتي