قصيدة جديدة لي اتمنى ان تعجبكم
ركبت من صنع النصارى ذلولي
لومينا اسود له ذراع وهمه
كبستله واوجست انا القاع حولي
تنثر حصاها ثم ترجع تلمه
من لهفة وسط الحشا ماتزولي
لهفة يتيم فارق احضان امه
يسهر طويل الليل يبحث حلولي
للمشكلة والمشكلة منت يمه
حبك كبير وضايع(ن) فيه زولي
وبواخري ترسي على اطراف يمه
فهد لمنه حب ماهو بقولي
وتشهد له الدمعه واطراف كمه
ماهو ضعيف للماصيب جفولي
جرب طعون الوقت واعتاد سمه
لكن غلاها يختلف عن هذولي
ماذقت هم(ن) يشبه انواع همه
كنه في قلبي غارس(ن) له سلولي
لامنه عض اشفاه وسال دمه
عنيدة(ن) وعنادها مايزولي
ماعندها رحمه ولا فية ذمه
ماينفعه جيش(ن) ولا حلف دولي
ولا وساطة بلير ولا بوش عمه