[توأم القمر]

الســـلام عليـــكم ورحمه الله وبركاتــه .. الحمد لله اللي وعى هالشااب وعقباال البااقي ان شااء الله والنت سلاح ذو حديــن ..نتائجه على حسب مستخدمه ..واظن هالكلام الكل حافظه بس للاسف بعضهم لم يفهم معناه .. في كم جمله من هون ومن هون ماعجبوني ..وحابه اقول راايي ..تبعا من حقي انااقش

اقتباس المشاركة الأصلية كتبت بواسطة أخو الورور أبداً ماشفت منتدى هدفه الاول الافادة والاستفاده وكل المنتديات اللي عشت فيها هدفها واحد وهوا نقل المواضيع وشكر صاحب الموضوع واتحدا واحد فاكر معلومة مهمة ولا فائدة واحده من منتدى واحد الا القليل

معقوله مااستفاد ولا فائده واحده ..تاايب لو انه مااستفاد من الموضوع من عظاات اوو المقصد من الموضووع .. ماايكفيك الاجر اللي الواحد يكسبه لما يقرا ايه مرفقه مع الموضوع مجرد قراءه حرف واحد تكسبه حسنه والحسنه بعشر امثالها الى 700 ضعف ..وفي السلام ورد السلام ..وحتى بسم الله الرحمن الرحيم في اول الموضوع فواائد وحسناات كثيره حتى لو ماحفظ من الموضوع حرف واحد .. مايكفيك لما يقرا الواحد قصه فيها موعظه ممكن يتعظ ويتغير حاله ..ويكون لكاتب الموضوع جزاء خير من حمر النعم ..

اقتباس المشاركة الأصلية كتبت بواسطة أخو الورور نص الناس اللي مشاركين في المنتديات هدفهم يضيعوا وقت ولا يتعرفوا على بنات ولا الخ الخ

كل واحد وله هدف ..والاهداف اللي ذكرتها موجوده بالمنتدى وبرى المنتدى ..واللي قدر يبعد عنها برى المنتدى ..من الاولى انه يقدر يتجنبها داخل المنتدى .............

اقتباس المشاركة الأصلية كتبت بواسطة الشاكـــي اكيد ان بنات المنتديات لهم ميزه خاصه فهم اعلى مستوى من بنات الشات

اخوي الشااكي ..انا صحيح مااحب الشات ولا ادخله .. مو لانه موقع سئ وغايته الفساد ..كذا ماحبيته ..بس ابدا مااعطي نفسي الحق واغلط عليهم ..وادري ان الغالب في الشات السوء ..والنت بشكل عام والمنتديات والشات بشكل خاص سلاح ذو حدين ..والملام عند النتاج السئ المستخدم ..ومن يحب يستخدم شي لغايه سيئه ..حتى لو منعنا عنه الوسيله سيجد الف وسيله غيرها .............

اقتباس المشاركة الأصلية كتبت بواسطة اخو هدلا فلووضعنا عموم من يدخل النت شباب وفتيات بنسب مئوية ومقاصدهم من النت لرئينا مايلي : دخول الشباب للانترنت بقصد الفائده : 25% دخول الفتيات للانترنت بقصد الفائده :15% دخول الشباب للانترنت بسبب الفراغ :30% دخول الفتيات للانترنت بسبب الفراغ : 25% دخول الشباب للانترنت لغرض الغزل : 45% دخول الفتيات للانترنت لغرض الغزل: 60%

على المدعي البينه ..هات احصاءات مبنيه على استفتاء ومعلومات دقيقه ..مو احصاء من تقديرك وتوقعاتك اللي مو بالضروره تكون صحيحه وثانيا الاحصاءات اللي انت حاطها تناقض الواقع ..وبالذات الدخول من اجل الغزل كلنا نعرف ان نسبه الغزل عند الشباب ماتقارن بها عند البنات ..واذا تبي دليل افتح البلوتوث وسجل باسم بنت وقارنه بالعدد اللي يجيك لما تكون باسم ولد ..وغالبيه الرسائل التي تصلك عندما تكون باسم بنت ..تكون مصحبه برقم الشاب المرسل وهذي ماحد ينكرها .. بس ما اذكر اني سمعت عن رسائل من بنات مصحبه بارقامهن ..مو معنى كلامي ان ما فيه بنات يغازلون بس هم قلة واقل من الشباب بكثيير ونفس الشي لما تسجل في منتدى أو تدخل في شات بنك بنت .. شوف الرسايل الي تجيك وقارنها لو كنت مسجل بنك ولد .. واذكر مرة كنت اقرى الكلام الي في الشات بوكس .. كان في شاب يسلم ..بس ماحد رد السلام ..قال لو كنت بنت كان رديتوا علي .. كان يكلمك الشباب الموجودين وهذي شهاده مثل ما يقولون عنها وشهد شاهد من أهلها وحتى نسبة الدخول بسبب الفراغ انا أتحفظ عليها .. لأننا نعرف ان الشاب يكون مشغول أكثر من الفتاة .. أو على الأقل يطلع ويروح أما البنت تجلس في البيت اكثر منه وبكذا يكون عندها فراغ أكثر .. يمكن ما يكون كلامي سليم .. بس انا بنيته على ملاحظاتي بالحياة .. واذا انت متمسك بالنسب الي حطيتها .. فهات برهانك والبينة على المدعي

اقتباس المشاركة الأصلية كتبت بواسطة أخو الورور ومن ناحية أخرى الكثيرين مايتناقشوا في موضوع او حتى يدخلوه الا اذا كان كاتب الموضوع بنت ..

سبحان الله ..لما اقارنهاا بهالجمله اتوه وماافهم

اقتباس المشاركة الأصلية كتبت بواسطة أخو الورور أشكرك على تأييدك وبالنسبه للنسب اللي ذكرتهـا مقاربه للصـواب وبشهادة الكثير من الابحاث الاجتمـاعيــة

مو منطقي ان البنت تدخل عشان تغازل بنت يعني وشهد شاهد من أهلها ..وهذاا كلامكم ..ماجبت شي من عندي اذاا كانوا البنات يغازلون اكثر ..كان من الاولى تنعكس الجمله عالعموم اذا مصرين على نسبتكم ..هاتوا الدليل والمصدر

اقتباس المشاركة الأصلية كتبت بواسطة أخو الورور خديلك زياره واحده الى مواقع الhi5 ولا الزوربيا ولا التاجد واعملي بحث للبنات وشوفي كم النتائج اللي تطلعلك بالالاف .. وبعضهم بصور وبعضهم بدون صور

هذي المواقع الي قلتها ما اعرفها ولا حتى سمعت فيها أنا واغلب البنات اللي اعرفهم .. بس مو ذنبي اذا كنت انت والبنات الي يدخلون هالمواقع تدلون طريقها .. واذا كان كلامك صحيح وان فيها بنات كثير .. أتوقع ان الشباب بيكونون أكثر ..واذا كان عدد الشباب قليل .. معناها انهم يتواجدون في مكان مو مكانهم لأن غالبيته بنات والشاب الي يرفض دخول البنت للمنتدى عشان الأسباب الي تفضلتوا فيها الأولى فيه انه يبعد عن أماكن غالبية المتواجدين فيها من البنات هذا اذا سلمنا باتهامك للبنات بأنهم أكثر المتواجدين

اقتباس المشاركة الأصلية كتبت بواسطة اخو هدلا اليست المنتديات من الانترنت ياخت ليان المملوحة

من الانترنت لكن تمتاز بوجود الرقابة عليها .. والدليل المواضيع المحذوفة والأعضاء الموقوفين ..في المنتدى اذا لقيت رد سيء يحرر أولا .. ويتخذ الاجراء اللازم مع الكاتب ..لكن في الانترنت بشكل عام فيه أماكن تخلو من الرقابة .. يعني ما ينفع تقارن المنتدى بغيره لأنك راح تظلمة

اقتباس المشاركة الأصلية كتبت بواسطة اخو هدلا ساسالك سوال يحدد منحى الامور ولكن لا اريد الاجابه عليه هنا ولكن اريد الجواب بينك وبين نفسك . هل لو تقدم لك عريس ستخبرينه بانه كاتبة مرموقة في احد المنتديات ؟ هل ستخبرين زوجك مادار بينك وبين احد الكتاب المحترمين الذين لهم مكانتهم بالمنتدى وماذا رد عليك ؟

اذا كانت نظرته مثل نظرتك انت ومن وافقك الرأي ظالمة للكاتبة المرموقة وتعاقبها بذنب غيرها أكيد مارح أقول له .. واللوم مو علي .. اصلا مااظن اني بوافق عليه ونحن لا نلتقي بتفكيرنا .. ومو معناها ان كتابة البنت في المنتدى غلط .. الغلط الناس الي تتجاهل الآية الكريمة ( ولا تزر وازرة وزر أخرى ) ..على فكرة لكل من قرأ هذي الآية أجر .. وللكاتب مثل أجرهم لا ينقص من اجورهم شيئا ..هذي فايدة من كتباتي في المنتدى .. أكسب حسنات اذا ما اعجبتكم في الدنيا .. ان شاء الله بتعجبني اذا جا يوم الحساب وبتمنى لو كتبت أكثر

اقتباس المشاركة الأصلية كتبت بواسطة اخو هدلا ماهو الراي الذي ستجلبه الفتاه ويكون رأياً حكيما يضرب به المثل على مرور الازمنه اختي ليان المملوحة . هذه فطره ربانية ليس للبشر القدرة على رفضها او تغييرها

هنا أنا ما أقدر أناقشك لأن نظرتك للمرأة بكبرها نظرة دونية .. مو بس للمرأه في المنتدى .. آسيا آمنت بربها بعكس راي زوجها الي كان مصر انه هو الرب الأعلى ..هذا مثال يوضحه التاريخ على ان المرأه ممكن تكون نظرتها أصح من الرجل .. وان مسأله الوعي ماهي مقصورة على الشباب وهي تتفاوت بين البنات والشباب ..ولا تنسى الآية الكريمة الي تقول .. ان كيدهن عظيم ..بربك معقوله ما نقدر نستفيد من مخلوق شهد له الله سبحانه بعظمة كيده ..واذا حبيت زيادة أمثله على دور المرأة ارجع للتاريخ وشوف بنفسك كيف كان الصحابة يستفتون عائشة رضي الله عنهم أجمعين .. وهي امرأة ..خرجنا عن الموضوع الرئيسي بس مو بيدي اشوف نظرة تقليل لشأن المرأة وأمر مرور الكرام تسلميـــن ليوونه الله يعطيكـ العافيــه ولااننحرم من مواضيعكـ اعذب التحااياا تواام