((الليل والشمس))
ماهقيت الليـل يسعـى للتلاقـي
لين جتني الشمس تخبر عن حضوره
هو صحيح الليل ناوي باعتناقي!!؟
او كلام الشمس طاغي فيه زوره!!؟
وماهقيت الليل يملك فكـر راقـي
لين شفت الشمس ثبعث لي بنـوره
هو جبين الشمس ناوي باحتراقي!!؟
او هذاك الليل ينحت في صخوره!!؟
ياغموض الحرف دام الصمت باقـي
السوالف ما كشفت لي عن غـروره
دام انا محتار فـي ذيـك السواقـي
كيف بصنع للغلا بـرواز صـوره?
علم اللـي لا تركنـي باغتراقـي
ان (مسعد) ناوي ٍ يقطف زهـوره
وان (مسعد) صار همـه بالفراقـي
مع مغيب الشمس يهدمها جسـوره
البيوت ايديـن والقيفـان ساقـي
والمعانـي روح والنظـره سطـوره
وكان هم الليل يسعـى للتلاقـي
انتظرت الشمس تخبر عن حضـوره