[أدلعها وأبكيها]

بتر فلاي

كلامك صح 100%

والله انها مشكله كبيره لكن انا اعتقد ان السبب من الشباب نفسهم
ولاننسى بعد ان الوظائف ذات المنصب العالي والكفاءات يبيلها فوق الشهاده والمعدل
واســــــــــــــــــــــــــــــطه

اما الوظائف ابو 2000 على قفى من يشيل بس انا ماالوم الي مايدخل فيها وعلى قولهم اجلس
عاطل ولا اشتغل بــ 1500 او 2000 لانه ظلم بعد التعب والدراسه وغير كذا الهدف من الوظيفه ان الواحد يفتح بيت ولا يحتاج لاحد ويكون اسره اما 2000 بالله وش تسوي ؟؟


باقولك قصتي وانتي احكمي :

انا خريج جامعه وتخصصي هندسه كيميائيه ويمكن ماتصدقي جلست سنه عاطل وبغت تطلع روحي لان مافي واسطه

وبحثت واكثر وظيفه لقيتها كان راتبها 4000 بالله بعد التعب وشهاده هندسه والسهر اخذ راتب زي كذا وطنشت اما ومابقيت شركه خاصه او حكوميه الا وقدمت فيها ولكن كان الجواب
اني اكون مقاول (( يعني متى مازهقوا مني فصلوني ))

كان حلمي بعد التخرج بوظيفه راتبها عالي علشان ارتاح من التعب الي تعبته

وبعد مروووور سنه من المحاولات جاني واحد من معارف الوالد من زمان وعزمه ابوي واخذوا يسولفوا ويتذكروا ايام زمان ودخلت انا وسلمت عليه وكلنت اول مره اشوفه فيها

المهم سألني خوي ابويه ....... ها وش مسوي في دراستك ؟

ورديت عليه وانا قافله معي من هالشهاده والدراسه وش مسوي بعد جالس تخرج وجالس اساعد امي بغسيل الصحون

قال: افااااااااا ليه ماقدمت

ضحكت وقلت قدمت في كل مكان بس يالراتب ضعيف يامافي واسطه

قال: وش شهادتك قلت مهندس كيميائي

قال: خلاص انا اكلم أخوي واخليه يدبرك لان اخوي Gm في شركه سابك (( جي ام يعني جنرال منيجر بالعربي مدير عام ))

وفعلا ماقصر الرجال وفي ظرف اسبوعين باشرت العمل وبراتب عالي وبيت وسياره والحمد لله

والسؤال الي الى اليوم وانا اسال نفسي

ليه يوم ان عندي مؤهل علمي ولغه انجليزيه مااحد قبلني من قبل ويوم جات الواسطه على طول انقبلت ....... للمعلوميه قدمت حوالي ثلاث مرات في سابك وكان الرد مستبعد


بالله هذا موشي يضحك واكيد غيري عنده مؤهل افضل مني بس وش اقول غير الله يرزق الجميع



واعذروووووني على الاطاله

ودمتم سالمين