[الفجر الحزين]

السلام عليكم
هاي اول مره برد على موضوع بالرغم من تواجدي الشبه يومي بالمنتدى الاسلامي
المهم اخي شكرا للفتتك الكريمه انو تحط شوية صور عن المجزره بس هاد القليل وما خفي كان اعظم ..................وحابه اقلو للاخ الي قال انو ليس امامنا الا الدعاء انو غلطان كتير في كتير اشيا تعملوها بس للاسف الكل نايم وبتبقى المجزره خبر عم اتابعو على التلفزيون يمكن وانتو عم تتسلو عم تشربو قهوة الصبح ما عجبكن المنظر بتغيرو بكل بساطه بس المجزره النا بتهزنا حتى الموت واذا العرب والمسلمين اعتادو مناظرنا ونحنا عم نتقتل كل يوم نحنا ما بنعتاد المنظر لان كل شهيد وكل جريح هو اغلى الناس على عيلتو
على فكره انا فلسطينيه لاجئه بمخيمات لبنان وصدقني الي شفنا على ايدين اللبنانيه واليهود بمخيماتنا ما كان قليل ابدا بس انا عم نوه عشان ما تفكر ياخي انو عم تظر من بعيد وحابه اقول لكل المتخاذلين العرب والمسلمين
وَلا تَحْسَبَنَّ الله غافِلاً عَمَّا يَعْمَلُ الظَّالِموْنَ، إنَّما يُؤَخِرُهُمْ لِيَوْمٍ تَشْخَصُ فِيْهِ الأبْصارُ
اسفه يمكن كلامي قاسي بس فعلا امنيتي يوم من الايام العرب والمسلمين ينصرونا
على فكره ما بعرف اذا ردي حيوصل او لا لان ولا مره باعته رد
السلام عليكم