لاجل الغلا جيتك من البعد ولــــهان
جيت فيديني وردتين وهدايــــــــا
جيتك نبي نعيد الغلا زي ماكـــــان
ونعيد لحظات الهنا من البدايــــا
جيتك ابروي خافــــقٍ منك ظميــان
جيتك ادوّر في عيــــونك غلايــــا
جيتك يديني ترتجف حيل بـــــردان
جيتك ادوّر في يدينك دفايـــــــا
جيتك هزيل الجسم والحال تعبـــان
جيتك ادوّر في شفـــاتك دوايــــا
جيتك من اقصى العمر والجفن سهران
جيتك انـام العمر وانتي معايــــا
اما عطيني مطلبي دون نقصــــــان
والا اعتقيني.. وماحصلّي كفايـــا
لاجل الغلا جيتك من البعد ولـــهان
جيت فيديني...وردتين وهدايـــــا