السلام عليكم ورحمة الله وبركاته ،،
من أواخر مانظمت ،، عسى أن ترتقي لذوقكم
بحكي أنا لك يارفيقي عن البنت = اللي خذتني في هواهـا رهينـه
أدري غريبه طول الأيام مالنـت = قاسي ولكن قبل ألامـس يدينـه
هذي أنا سكّر شفاها قد أدمنت = وأذوب إذا ضمّت يدي راحتينه
اللي سببهـا بالقوافـي تفنّنـت = رزينة(ن) ياهي يافارس رزينـه
والمشكله يوم(ن) لمحته تجننت = وياهو يجن اللـي لمـح وجنتينـه
لو كنت أبوصف حسنها ماتمكنّت = فوق الوصف حسنه وغنجه وزينـه
شفت العطور اللي تعطّر بها أنت ؟ = هذي نسايم من شـذى ياسمينـه
وشفت النهار اللي رسمته ولوّنت ؟ = ماهو بقرص الشمس هذا جبينـه
خلك رفيقي دوم خلك على منت = خلك تغزّل فـي أمانـي وأمينـه
وإلا أنا شايف وعارف وأيقنـت = إنه حـلا هالكـون كلـه بعينـه
ولاتلومني باكر تراني لك أعلنت = شيّد غلاها فـي فـؤادي مدينـه