يا الله يا لواحد….اللي ما يكون
بالكون شيء غير بأمره لو يزول
أدعيك يا الله عدد رمش العيــون
وإعداد ما تشرق الشمس وتزول
وإعداد ما البرق يلمع في المزون
وإعداد ما تسبق أنواع الخيــــول
ترفق على قلب ما عمره يخــون
وفي العطا دائماً ما هو كســـول
حبيت وأخلصت من قلب حنـون
وأصلحت أمره ومحبوبي خذول
يا من له القلب بيدينه يمــــون
والطيف بالقلب والخاطر يجول
محبتك بــ الحشى دايم تكــــون
كـ الجمره اللي دفاها ما يــزول
عذبتني حيل وأتعبت العــــيون
وأحس فرقاك اكسبني خمـــول
نظرتك تسعد وهجرك لي جنون
ووصف مثلك تحتار العقـــــول
الله يجازيك يا غض الجفــــون
زايد عتابك وهجرك لي يطــول