[سـعـدالـدوسـري]

كان وقتي ـ بالطريق لغربتي ـ غـرفة مملّه

ضـيـَّقه .. فيها من الفرقى على كثر الأماني !!

خاليه ، الا من احسـاسي بفقـد الحلـم كلّه

غايةٍ من لا يعاني فـقـدهـا، هو المُـعاني !!

كنت انا المنفي واناالمسجون فيها عن محله

والمحاصـر .. من لهب هـمه.. لجـدران الثواني

ليـن جيتي.. صـار كـّن الوقت دنيا مسـتقلّه

والسـماء دانت لغـرفـة مكتبـي بين المباني

وانتي ما تحليّن في اية زمـان الا اسـتحلّـه

نورك .. اللي كل نـور يقول له: حَّـّل بمكانـي

كل ماتفصـح به القمـراء على العالم اقـلـّه

كنـّه يزخـرف ضحـى ، ممـطـر، بليلي.. لأحتواني

مثل ماجـيتي قصـيدة حب.. غـيمـة مـستّهـلـّه

صدقها رحب.. ومداها عذب ، وعـشـب من المعاني

وقلتي: يامحمد مشينا..واللي في قلبك ادلّه ..

لين ادلـّه.. للـدروب اللي تـوَّّديـه لحـنـانـي

يا حـنان الروح .. واللي دلّـَّك لعمر المّوَّله

انتي ثاري من ظـما عمري .. وعـمـري هو رهاني

والزلال اللي نهـر قلبـك عـلى ثَغـْرك يـزلـّّه

ماابتداني بالســلام ، الا من الروح ابـتـداني

لين تزهـر من مواصـيلـك ، وتـشـرق بالأدلـه

لين اقابلك بخـيالي .. في زمن ماهـو زماني !!

يشـبه لفجرٍٍ تعـطـر بالمـطـر.. والضـي ظـلـه

يجـمع إثنين .. يتعاطـون المـحبـه والأغـانـي