اقتباس المشاركة الأصلية كتبت بواسطة -- ريما -- السلام عليكم حبيبتي كويتيه انتي تقولين الابناء يحتاجون رعايه خاصه او رح تكون النتيجه فساد اجتماعي!! الابناء اذا عاشو تحت ظل ابوين متفاهمين وحاسين بمسؤليتهم تجاه ابنائهم كويس ويراعون حق الله فيهم رح يطلع جيل صالح حتى لو كان الابوين يشتغلون اربع وعشرين ساعه. مو العبره في جلوس الام والاب وقضاء اطول الاوقات مع الابناء!! العبره في احتواء الوالدين للابناء والاحساس فيهم وتوجيههم بحيث ان الابن يحس ان الابوين معاه ولو هم بعيدين بتوجيهاتهم وحنانهم ومراقبتهم واعطائهم الرأي الثقه. واحب الفت انتباهك عزيزتي كويتيه ان عمل المراه في حالات كثيره يساعد على الحفاظ على الابناء من الانحراف...كيف؟ لما يكون الاب مو داري عن عياله لاسباب كثيره انتم عارفينها...مرض نفسيا...يشرب..حق حريم وغزل ومعاكسات...بخيل...حالته الماديه جدا بسيطه..الخ الحكايه مو حكاية انها تزوجت وخلاص..حسب الشخص اللي ارتبطت فيه. يعني لما يكون الاب كذا تخيلو نفسية المراه اللي بدون عمل!! وتخيلو لما تكون نفسيتها سيئه كيف رح ينعكس هذا على الابناء! وبالتالي رح يكونون عرضه للانحراف والفساد!! وممكن الاب يكون مافيه الاعراض المذكوره لكن فجاه يطلقها لاي سبب من الاسباب وخاصة بهالعصر اللي انتشر فيه التحرر والتحلل..وينساها هي وعيالها..تخيلي مدى العذاب النفسي والمادي اللي رح تعانيه المراه والابناء!!!؟ وبعدين بالنسبه للنظره الدونيه ماقصدت فيها رفض الرجل وظيفة المراه! النظره الدونيه للاسف في اشياء اخطر من كذا. اما الوظيفه اصبحت ابسط حق من حقوق المراه يجب عليها التمسك به اما تيارات الزمن والتغيرات النفسيه للرجل. واعذروني للاطاله وارجو تكونون اكثر مرونه لتقبل المناقشه والراي. وشكرا حبايبي اما ال ريما،، انا معاج ببعض النقاط ،، وبعضها لأ.. انتي تقولين ان ان الأبناء ممكن يكونون صالحين حتى لو اهلهم مشغولين اربع وعشرين ساعه،، واحس ان في هالنقطه تناقض،، شلون الولد يحس ان اهله معاه اذا اهو كل ما احتاجهم مايلقاهم ،، واهم حاطين الشغل من اولوياتهم، حتى لو صارت له مشكله بيتعطل والسبه اشغالهم،، لازم يكون في وقت مخصص للعيال ومشاكلهم،،علشان الولد او البنت مايلجأون لأشخاص او طرق ثانيه تضرهم ماتنفعهم،، حتى شيبان اول اللي ماكانوا متعلمين كانوا يقضون ساعه عالأقل من وقتهم،، لانه لازم يحسسون اعيالهم انهم معاهم ومستعدين يسمعونهم.. وبالنسبه للعمل،، مااعتقد الحين تلقين حريم ترفض فكرة العمل ،، وان لقيتي بتكون النسبه5-10%،، وحبيبتي،، ريما،، انا ماطرحت هالموضوع عشان اجبر الناس برايي،، بالعكس،،صدري وسيع و انا قاعده اخذ واعطي،، وشوفي مواضيعي وبتتأكدين اكثر(( والإختلاف لايفسد للود قضيه)) ولج رايج ولي رايي،، وانا استفيد من كل راي ينعرض بصفحاتي.... وبالأخير استمتعت بمداخلاتج ووجودج المستمر.. تسلمين ويعطيج العافيــــــــــــــــــــه..