قل..
وش تبي بكيفي؟
و خلني على كيفي:
كتلة مشاعر مهملة
و الحزن هو ضيفي
و لا تسأل شلوني
لوني: سمار الشمس
و لا يهمك جنوني
ترى جروحي خمس:
- اول جروحي قلب .. ميت من الاهمال
- و ثانيها صدمة حب .. مات برواقة بال
(وما عدت أنا اهتم .. بجراح ما تلتم)
خلني اكمل لك..
واسمع بعد ش املك..
باقي ثلاث جروح
بحكيها لك و اروح:
-الثالثة: احزان من راسي لأقدامي
-والرابعة: هجران ماتت به احلامي
-باقي الأخيرة نزف
باقي الأخيرة ضعف
و دمع وقف بالعين جمر حمر ما جف
-وخامس الأخماس
يا سيدي الحساس
اني انا كلي..
(ما عاد بي احساس)
و تسألني عن كيفي..
(والله..مالي كيف..
الحزن هو ضيفي..
و الهم بقلبي سيف)
هتـــــــــــــان