الفقر ليس عيباً وإنما العيب الاستسلام له _
فيه ناس والحمد لله عايشين حياتهم مرتاحين مستانسين لدرجة ما احد فيكم يتصورها وحالتهم على قد حالهم (فقيرين) بس مع ذالك مانظروا للفقر
ولما ينظرو للغني ينظرون له بنظرة ابتسامه !!
ويضحكون ويستانسون ويتمشون ويشقون ويلعبون ويمرحون ويتسلون, تحسون إن الشي لما يصعب عليهم عندهم أمل ومثابره وعزيمة حتى يوصلون لهذا
الشي يعني الامل والاجتهاد موجود فيهم ونلاحظ اولادهم وبناتهم في المدارس بدرجات عاليه وتقدير آخر السنه إمتياز وهم في حاله يرئى لها البنت
تساعد إمها تطبخ وتكنس وتغسل ومع ذالك لم تقف وتقول انا فقيره وش راح استفيد بالدراسه بالعكس حاصلة على الامتياز لان الحياة علمتهم شلون
يعيشون على الحصول على لقمة العيش الشاب يوصل اخوانه يساعد ابوه يجيب اغراض للبيت ومع ذالك لا ينسى دروسه ويحصل على الامتياز صح
انهم فقراء وماعندهم أموال بس يمتلكون أجمل روح وأمل بالحياة وأفضل علامات بالمتسوى التعليمي وغنى النفس و حسن التربية وقوة صلة الرحم
وعدم اليأس والضحكه والقلوب الطيبه والوفاء عنوانهم ... وكما قال علي بن آبي طالب كرم الله وجهه (لو كان الفقر رجالً لاقتلته) ,,,
الغنى غنى النفس _
فيه ناس اغنياء واثرياء وحياتهم نكد يعني بنظرنا وبنظر اي انسان فيكم معقوله انا لو بصير غني بتكون حياتي نكد ؟؟؟ عمر الغنى ماكان سر او هدف
للسعاده والغني ينظر للفقير بنظرة استحقار وآنه اقل منه !!
صح الغني يركب احلى واجمل سياره ويلبس افخم الثياب ويتعطر بعطر غير شكل والبنت زيه وآلاب يوفر لهم المصروف والآم توفر لهم المنزل
والغرف وتلبي حاجاتهم لو رفض ابوهم الغني كل شي بسيط بالنسبه له لانه ماتعب او ماحصل على هالشي من شقى حصل عليه من آبوه وهذا الشي
غلط الاغنياء تحس ان جمعتهم بين بعضهم مالها طعم ممله الاب مشغول الام بالكوفيرا عشان بتحضر زواج يعني لو الاولاد ينحرفون ما احد عرف عنهم
لا آبوهم ولا آمهم ومع هذا كله ومع الترف هذا والله العظيم ياواحد من زملائي يحلف لي ويقول آنا غني واملك ثروات بالهبل ومعاي سياره واسافر
لكل المدن والحزر واسهر وانام وقت ما احب بس والله العظيم اني مو سعيد مع هذا كله الي اسويه وربي ماذقت طعم السعاده ياناس عمر الغنى ماكان
له طعم لو ماجاء من شقى حنا نشوف ناس اغنياء ونتمنى نصير مثلهم ونلبس زي لبسهم ونركب زي سيارتهم بس السعاده الحقيقه مو بالمظهر ولا
بالفقر ولا بالغنى, السعاده الحقيقه سعادة الروح البعض منكم يفكر يقول بشتري سعادة بفلوس صدقوني الفلوس عمرها مانفعت الضعيف آو الفقير! الفلوس
تنفع المحتاج .. والغنى ليس سر السعادة _
وحنا والحمد لله في عهد ابو متعب كلنا في خير ونعيم والله يطول بعمره وبعمر الجميع ...
إخـــــــــــتــــــــــــلااااااااااااااا فــات ... !
الفقير ؟
تكون احاسيسه صادقه ماتكون نابعه من مصلحه !
الغني؟
بتكون احاسيسه اصطناعيه والهدف منها مصلحه ماليه !
الفقير؟
يمتلك مشاعر رقيقه وصادقه وقلب دافء وملي بالحب والآخلاص ولا راح يتغير بسبب الاموال لانه عايش على الفطره !
الغني ؟
يمتلك مشاعر رقيقه وصادقه لنفسه ولآمواله وليس للناس وتتغيرة نظرته في الشخص ان لم يستفيد منه شي ولو كان اقرب الناس لديه !
الفقير ؟
يربي أولاده على الحب والاخلاص والنمو والمثابرة والاخوة في الحياة !
الغني ؟
يربي آولاده على التعلم ان الانسان من غير مال ليس له اي خانه في هذا المجتمع !
الفقير؟
يحب ويعشق ويهوى لمن يختاره قلبه !
الغني ؟
يحب ويعشق ويهوى بمزاجه !
آتمنى لا للفقير يزعل او للغني يعتب كلكم عندي بعين وحده وكلكم على العين والراسي بس قصه حقيقه وحبيت ارويها لكم ...
تقبلو تحيات آخوكم كلي كلمة وفاء ,,,