ياكبر الغلا في خاطري من سنين = غلا اللي حبيته من بين ناسي
يفداه عمري وتزهاه الدواوين = وهو قصة حب ٍ تهز الرواسي
تكفين لا تجبدين القلب تكفين = حبك من رقته على القلب قاسي
انا هنيا وروحي في راحة يدين = يا هنا عمري ويا خيبة الياسي
يشهد الله ربي وانتي تشهدين = ماعاش فكر ٍ دونكم ولا هو بناسي
حبيبك مانسى ولا انتي بتنسين = كلن من دون نصفه الثاني يقاسي
انتي مواطن فرحتي ودمعة العين = ولا غريب لو قلت اعز جلاسي
تعلقت بجروحك وادمنتكم يا زين = وفي قلبي من الزمن عليك حراسي