[غـزلان]

لو زعل..والا نساني..صدقوني ماألومه..
أدري بحقه خطيت والله أدري مقصرة..

ابتعدت وبالغياب زدت همي مع همومه..
وان رفض يقبل هواي للأسف راح أعذره..

بس مايمنع أحاول أسأله وش هي علومه..
مستحيل إني أبرضى(حب عمري) أخسره..

لو درى وشلون أني دون حبه امحرومة..
لو درى إني عجزت كل ما أنساه اذكره..

الوحيد اللي تمكن بالحشا فيني سهومه..
لجل عينه بس أحاول ظرفي الصعب أقهره..

باعتذرله واستميله لين يسامحني بيومه..
كل حاجز أنبنى بالبعد والله لأكسره..

"يعني يرضيك بأمانه شوقنا نبدله خصومه؟
خلنا نحيا هوانا..حب صادق ما أطهره.."