أنا ماأنكر خدعتيني وغدرتيني وجرحتيني
ولكن عزتي تنكر وجودك داخل أعماقي
أنا ماجيت بالدنيا بها الغفله تهينيني
أنا لي عزة ٍ تركب صيتي صهوة أشواقي
على هونك أنا ماجيت لجل راجع تذليني
رجعت آقول لك هاتي بقايا عفة أخلاقي
( يموت الحب ) لامني ذكرت إنك ( غدرتيني )
( وينهار الخفوق اللي على عز الوفا باقي )
رسمتي بالغدر دمعه خذت مقيالها عيني
طعنتي بالغدر روح ٍ تعانق وجه ميثاقي
شجن كل الحياة اللي لها أشجون بعتيني
ألم كل الدروب اللي غزت بأحزانها أحراقي
عن إذنك ببتعد وأرحل وماجاني يكفيني
بعيشك حرف بالغربه ينازع داخل أوراقي