كتبت عذب القصايد في مناجاتـــك وأبدعت ولكن ابد ماجيت تطريــــــني
أتعبت غيري وأنا احكي له حكاياتك ماكن غيرك بهذا الكون يعنيـــــــني
أشوف أحلـــى القصايد في عباراتـــك يازين كلمة .. لها تحرق دواويــــــني
مابين صمتك وضحكاتك ودمعاتــــك دورة حياتي وبيدي أنت تكويـــــــني
أموت حسرة إذا طولت غيباتــــــــك وأحيا بشوفك وأنسى ماجرى فيـني
أبكيت عيني على طاري مجافاتـــك وبطاري أحلى ملاقاتك بكت عيــــني
عرفت معنى وجودي في متاهاتـــك وحدك حبيبي تثبتني وتنفيــــــــني
في الناس ماشفت من يسوي مساواتك مدري غلا وإلا حبـي فيك معمـيـــــني
عادات نفسي تلاشت وسط عاداتــك ياقوة الله عرفت اشلون تلغيـــــــني
حتى شعوري أسير لكيف حالاتـــــك بكيف كيفك تسليني وتبكيــــــني
أحب دنياي يوم أشوف بسماتــــــك بسمتك فرحة حياتي وبهجة سنيني
فتش بقلبي حبيبي تكتشف ذاتـــك والله كلك فبعضك ساكن(N) فيـــني
العشق ماله حبيبي غير همساتـــك أهواك للموت لكن لا تجافيــــــــني
عشقت ليل سهرته في مناجاتــــك عشقي لليل سهرته كنت تناجيــني
وعشقت من كثر عشقي فيك زلاتك مجنون ولكن جنوني فيك مرضيـني
سافر حبيبي أنا كلي محطاتــــــــــك لووين مارحت يالغالي تلاقـيــــــني
أنا بحنايا ضلوعك بيــن اهاتـــــــــــك بجدار قلبك كتبت أخر عناويــــني