منتديات الـــود - عرض مشاركة واحدة - مـــــــــــــاعرفته بس مــــــــــــــــا احبه!!!!!!!!!!

كويتية ذووووووق · 12-09-2006, 03:37 AM

مرحبا،، شلونكم؟؟
انشالله بخير..

مشهد (1)

ريم: صباح الخير
لجين: صباح النور هلا والله،، شلونج ؟؟
ريم : بخير الله يسلمج،، شفتي البنت اللي امس دخلت علينا بالقاعة؟؟
لجين: أيه شفيها ؟؟
ريم: ياختي مدري شلون كشيت منها ،، ما حبيتها..
لجين : ليـــش ؟؟ حرام عليج انتي ما قعدتي وياها وعرفتيها..
ريم: لا ان شالله اقعد معاها،، هذي مبين شايفه نفسها وما بعينها احد..
لجين : تهقين ؟؟

مشهد(2)

فهد:هلا والله وينك امس ماشفناك؟؟
مشاري: والله كنت طالع مع خالد
فهد: يا اخي بس بعرف شعاجبك فيه؟؟
مشاري: بالعكس والله خوش رجال..
فهد: لا قعد معانا ما غير يتفلسف ويفتي...
مشاري : انت ما قعدت معاه الا مرة وحدة ،، منها حكمت عليه؟؟
فهد : الكتاب مبين من عنوانه ،، ما يحتاج اقعد معاه عشان اعرفه والشباب بعد ما يحبونه..
مشاري: انت شفت منه شي؟؟
فهد : لا والله بس ما ابي احتك فيه عشان ما اشوف منه شي..

مشهد(3)

ايمان: ما شفتي مريم اليوم ؟؟
سعاد: لا والله بس هالبنية ماارتاحلها..
ايمان: ليـــــــــش؟؟
سعاد : يا ختي جذي،، في ناس تحبينهم من اول مرة وترتاحين لهم ،،وفي العكس...

=================================================

12-09-2006, 03:37 AM	رقم المشاركة : 1
كويتية ذووووووق ( وِد لامِـــع )	مـــــــــــــاعرفته بس مــــــــــــــــا احبه!!!!!!!!!! مرحبا،، شلونكم؟؟ انشالله بخير.. مشهد (1) ريم: صباح الخير لجين: صباح النور هلا والله،، شلونج ؟؟ ريم : بخير الله يسلمج،، شفتي البنت اللي امس دخلت علينا بالقاعة؟؟ لجين: أيه شفيها ؟؟ ريم: ياختي مدري شلون كشيت منها ،، ما حبيتها.. لجين : ليـــش ؟؟ حرام عليج انتي ما قعدتي وياها وعرفتيها.. ريم: لا ان شالله اقعد معاها،، هذي مبين شايفه نفسها وما بعينها احد.. لجين : تهقين ؟؟ مشهد(2) فهد:هلا والله وينك امس ماشفناك؟؟ مشاري: والله كنت طالع مع خالد فهد: يا اخي بس بعرف شعاجبك فيه؟؟ مشاري: بالعكس والله خوش رجال.. فهد: لا قعد معانا ما غير يتفلسف ويفتي... مشاري : انت ما قعدت معاه الا مرة وحدة ،، منها حكمت عليه؟؟ فهد : الكتاب مبين من عنوانه ،، ما يحتاج اقعد معاه عشان اعرفه والشباب بعد ما يحبونه.. مشاري: انت شفت منه شي؟؟ فهد : لا والله بس ما ابي احتك فيه عشان ما اشوف منه شي.. مشهد(3) ايمان: ما شفتي مريم اليوم ؟؟ سعاد: لا والله بس هالبنية ماارتاحلها.. ايمان: ليـــــــــش؟؟ سعاد : يا ختي جذي،، في ناس تحبينهم من اول مرة وترتاحين لهم ،،وفي العكس... ================================================= هذه المشاهد تتكرر .. فنحن نصادف في حياتنا العديد من الأشخاص الذين نلتقيهم يوميا او يمرون مرور الكرام ولكن يتركون لدينا انطباع اولي عنهم يتكون منذ اللحظة الأولى سواء كان هذا الإنطباع جيد ام سئ.. ... فإذا كان جيد،، فإن فرص التعرف عليه تزيد ويلقى قبولا منك وتكون على استعداد ان تتقرب منه اكثر لكي تتعرف على شخصيته.. اما اذا كان سيئا فإنك تتجنبه وتحاول الا يكون بينك وبينه أي اتصال وقد تؤثر على غيرك بأن تخبره بفكرتك عن ذلك الشخص وبذلك تكون قد ظلمته دون ان تتعرف عليه جيدا.... بصــــــــــــــــــراحة... هل انت من الأشخاص الذين يأخذون انطباع اولي دون ان يتعرف على الشخص؟؟ هل تثق بحدسك ؟؟ وهل يصدق؟؟ هل لديك استعداد ان تتعرف على الشخص حتى ولو كانت فكرتك عنه سيئة؟؟ هل تأثرت بفكرة من صديقك سواء جيدة ام سيئه عن شخص ما؟؟ اتمنى يعجبكم الطرح والفكرة وما تكون مكررة ولا تبخلون علي اراءكم حول الموضوع... التوقيع :