مناجاة من شاعر رائع ........
حاول وصف حاله بعد فراق حبيبته .......
ورغم فراقها وتخليها عنه .........
الا ان قلبه رق اليها في اخر القصيده .......
ولكن بكل عزه وكرامه انهى ابياته .........
اترككم مع >>>>
اللي تركني وانا في عز غربالي
بعد الشدايد وش اللي ذكره فيني
يبغى زمانه يعود ويرجع الغالي
وشلون يرجع بعد ماطاح من عيني
لا الوقت وقته ولا له شي في بالي
انا نسيته مثل ماكان ناسيني
وياما تمنيت نظره منه في حالي
وياما تمنيت صوته لو يناديني
واقول لا اظلم علي الليل بلحالي
الله يجيبه يشتت غربة سنيني
من كثر ماكان طيفه دايم قبالي
احيان احسه معي وتضمه ايديني
ولا من تنبهت لين وجيه عذالي
كلٍ على ماطرى باله يسميني
ليته تركني بعد هذا على فالي
زي ماتركته بعد قتله بساتيني
من بعد ماصار جا بلسانه الحالي
يبغى يرجع زمانٍ بينه وبيني
قولوله اني ماحبه كثر ترحالي
او لا .. حرام يتضايق ولا يبكيني
قولوله اني احبه بس من تالي
وان راح ولا رجع ماعاد يعنيني