[*+* مـهــآآآآجــرة *+*]

قصيدة هدية مني لخواتي الغاليات بعد سفرهم عني.....
---------------------------------------------------------------
لا حت بعيني بروق الذكريات = وأمطرت منها دموع جارحه

لا ذكرت أيام معكم ماضيات = أجذب الونات وأمشي سارحه

بعدكم كني غريبٍ ما يبات = مع همومي عشت حيرة ذابحه

داخل ضلوعي جروحٍ باقيات = ودايم أوهامي بفكري سابحه

كل يوم يروح من عمري فوات = أمس مثل اليوم مثل البارحه

آآآه من دنياي لا صارت شتات = مرةٍ كدرة ومرة مالحه

لا تقولوا إن الليالي مقبلات = كل ما أقبل ليل يومه صابحه

تركض الدنيا وحنا ساهيات = ما نفكر في عمارٍ رايحه

الهموم كثار مع كل الجهات = والسعادة عن طريقي جامحه

لا بغيت أنسى همومي يا خوات = مرت الذكرى بعيني لا محه

ليت لحظات السعادة خالدات = كان عشت أيام عمري فارحه

------------------------------------------------------------

أختكم الصغيرة.

مهآآآآآآآآآآآآآجرة