المحطه الاولى
اوصف طفولتك بجملة واحدة
مافيها الا الفرح والبرائة واللعب
المحطة الثانية..
ما هو اجمل موقف او اجمل ذكرى تتذكرها من طفولتك ؟
أول موقف
لما كنت طالعة الأولى في سادس إبتدائي
وكان أغلب الصف يدعي ان بنت ثانية هي تصير الأولى وانا الثانية
لكن الحمدالله جت الشهادة
وطلعت أنا الأولى
وفرحة أمي فيني ماتنوصف
وهذا موقف ثاني
وكل مواقف شقاوتي كانت حلوة
ومنها
تقريبا كان عمري 7 أو 8 سنوات
لما جانا ولد ولد عمتي من الشرقية
وكان بنفس عمري وصاحبي
لما دخل الكل ينام
طلعنا وشغلنا SEGA
أكيد الكل يذكر اللعبة هذي وكانت ألعابها روووعة
وأحنا مندمجين في المباراة
طلعت علينا أمي
وسوت لنا حفلة وهاوشتنا خخخخخخخخخ
دخلنا غرفنا قدامها
ورجعنا طلعنا
لكن هالمرة عشان أيش تتوقعون! ! !
ولد ولد عمتي
جوعان يبي سندويش جبن خخخخخخخخخ
أكلنا وحدة وماكفت
سوينا ثانية
بعدها دخلنا عشان ننام
غير مواقفي مع صاحبة عمري بنت خالي
المحطة الثالثة..
ما هو أصعب أو أحزن موقف مر عليك في طفولتك ؟
لما كنا طالعين مع كل خوالي
ل حي السفارات
طبعا الكل يعرف أن الناس أول حاطينه منتزة
قرروا البنات اللي بسن 18 تقريبا
يروحون السوبر ماركت عشان يشترون البيبسي وماشابه
وركبوا في سيارة خالي
طبعا تعرفون لقافة البزران رحت وركبت معهم بالغصب ((( أحلى يا القوية )))
وكانت السيارة مرة زحمـــــة
وكنت جاسة على رجل وحدة من البنات
طردوني وفشلوني وصرخوا علي
ولا نزلت ((( عنييييييدة )))
آخرتها اللي كنت جالسة عليها قالت قومي لاتجلسين علي
قمت وتمسكت بالمرتبة اللي قدام
وطول وقت المشوار وأنا كذا! ! ! ((( خلي العناد ينفعك ))) خخخخخخ
لكني اللي قاهرني ان في بزران غيري
ومحد قالهم شي
انا اللي انطردت لييييييييش
هئ هئ هئ مقهورة للحين خخخخخخخخخخ
بس على فكرة
والله أضحك لما أتذكر
المحطة الرابعة..
ما هي أجمل هدية تلقيتها في طفولتك ولم تنساها لليوم ؟
هدية ماما الله يحفظها لي وكانت عبارة كمبيوتر صخــر
((( من كان قده اللي عنده كمبيوتر صخر ))) ((( بنت محد قدها خخخخ )))
و عن دراجة ومن كان قده اللي عندي دراجة جبلية
وكنت طايرة من الفرحة
وهدية أخوي الله لايحرمني منه وكانت عبارة عن لعبة السيجا SEGA
هل هناك انسان معين كرهته في طفولتك .. ولماذا ؟
رجال كبير في السن والشيب يغطي لحيته
لأنه حاول يخطفني
بس الحمدالله عدت على خير
المحطة السادسة..
كلنا انطقينا اكيد
ولكن ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
ههههههههه الله لايعيدها من ايام
بس للصراحة
مواقف الطق هذه ماهي محفورة بس لو حاولت أتذكر تذكرت
ومنها
لما أخوي عطاني كف أو طراق على وجهي
والسبب لقافة أطفال
لأني كنت طفلة بريئة وقلت شي المفروض ماقوله ووهقت أهلي
وجاني طراق محترم من أخوي
والسبب أني أتذكر الموقف هذا
لاني أنطقيت بدون سبب أنا قاصدته
بس على فكرة لما أتذكر اضحك هههههههههههههههه
هل كنت غيور بطفولتك من اخوانك وتحس فيه تمييز بينك وبينهم ؟
لاااااااااا أبد
كنا كلنا مثل بعض
بعد أخوي في كذا مرة فضلني على غيري
ما هي اكثر وافضل لعبة كنت تلعبها و أنت صغير ؟
لعبة كرة القدم ((( لعيبة البنت )))
ولعبة السيجا SEGA
ولحد ألحين
المحطة التاسعة..
هل ستربي اولادك بنفس الطريقة التي تربيت بها في طفولتك؟
والله تربيتي مافيها شي ينعاب
يعني لو أصاروا أطفالي مثلي
ونعم التربية
اللهم كنت أطلع الشارع كثيييييير
طفلة تحب الطلعات والشارع خخخخخخخخخخخخ
أستروا ماواجهتوا خخخخخخخخخخخ
وبالمناسبة أحب أذكر هالأبيات عن الطفولة
ياطفـــل لاتكبر
كذا أجمل كذا اطهر
لاهموم تتراكم.. لاضغط ولا سكر
ترى أكبر كذبة عشناها
يلـه.. متى نكبـر
أحلم قد ماتقدر.. وإذا خفت
خبي احلامك.. بدفتر
ترى الأيام سراقة
والأحلام .. تتبخــر
أمانــة.. عليك ياطفــل
لاتكبـــــــــــــــر
أختكم
ليـــــــــــان