[ضحية صمت]

بسم الله الرحمن الرحيم

بصراحه أتمنى أكون في جزيره مثل هذي صدقيني راح ارتاح نفسيا

وأنسى كل شئ اصحى صلاة الفجر وأنام بالليل بس لا يكون فيها أحد غيري أنا بجيب فيها اللي ابغاه بس وبسميها الجزيره السعيده

على فكره يا أختي دبه ذكرتيني بواحد كذاب ويموت بالكذب كان يسولف على واحد من أصدقائه عن مغامرات حصلت له فيقول


كنت في جزيره لا حجر ولا شجر وفجأه طلع علي اســـد رد عليه صديقه طيب ولما طلع عليك الأسد ايش سويت
رد عليه الكذاب وعلى طول قال ابد كسرت جذع شجره بجمبي وصكيتها براس الأسد ومات
رد عليه خويه وقال كيف تقول جذع شجره وأنت تقول اول قصتك انك بجزيره لا حجر ولا شجر

تلعثم الكذاب وقال طيب اسمع اعيد السالفه عليك لأني لخبطت شوي
رد عليه خويه وقال يالله عطنا السالفه

قال الكذاب انا الله يسلمك كنت بجزيره لا حجر ولا شجر وفجأه طلع علي اسد
رد عليه خويه وقال هاه هاه وش سويت ....؟
رد عليه الكذاب وقال عادي نزلت وأخذت حجر كبير وصكيته براس الأسد
ومات الأسد
صديقه مستغرب يقول له يخوي ما تجي أنت تقول الجزيره اللي أنت فيها لا حجر ولا شجر من وين لك هالحصاة .....؟
رد عليه الكذاب وقال خليني اعيد عليك السالفه مدري وش فيني لخبطت من كثر مغامراتي قمت أخلط بينهم
أعيد عليك اسمع رد عليه خويه وقال عطنا يالله هذاني اسمع
قال الكذاب أنا كنت مره من المرات في جزيره لا حجر ولا شجر وفجأه طلع علي اســــــــد قال خويه هاه هاه وش سويت
رد عليه الكذاب وقال ما سويت شئ أكلني الأســــــد هذا اللي أنت تبيه ارتحت الحين
ههههههههههههههههه
اسف على الأطاله
وتقبلي تحيات وتقدير أخوك ومحبك
ضحية صمــــــــــــــــــــــــــت
المملكه العربيه السعوديه
الرياض