[الوافي من الخبر]

السلام عليكم ورحمه الله وبركاته

((الصديق وقت الضيق))

اسمع ونا خيك الرياجيل واجد فيهم الردي وفيهم السنع ((السنافي))

وسبحان الله ومن شكل الواحد تعرف هو كفو ولا لا

ونا أخوك انا بقولك قصتي وانت احكم



والله انا تعرفت مع الايام شباب كانو ثلاثه وانا رابعهم وجبت معي

الخامس خويي الروح باروح زين والعيال الي تعرفت عليم على كيفك

يعجبونك ارجال ((شقرديه)) الامهم مكان احد يدخن الا واحد بس

مع الايام صارو اثنين شوي شوي الشله كلها وانا معهم بعد الامهم

خويي الي معي مشاءالله عليه جيد في دراسته وانا خفت عليه

اكثر من نفسي الامهم مع الايام جوني اخوياي ثانين غير الي

طيحوني في الدخان نصحوني قالو الرجال الي تماشيهم مهم مضبوطين

قلت لا بالعكس والله انهم على كيفك يعجبونك قالو مع الايام بتشوف

الامهم شكيت فيهم لين جاني واحد منهم قالي ابعد عن شلتنا

ترانا رايحين فيها انا ماصدكت اول مره واحد يعترف بنفسه قلت لخويي

انت ابعد عن الشله وانا اعرفلهم ماشيتهم حوالي سنه تقريبن

ويجي ذاك اليوم الي مرني واحد منهم وقالي اركب

ويوم ركبت الريحه مره واصله حدها انا بصراحه ذليت انت وش تبي فيني

قالي اركب وماعليك الامهم مشينا وخذنا لفه وشوي ويطلع الغرشه

فيها شي مدري وشلون لونه ونا صرعتني ريحته مره ومسكت الغرشه

وحطيتها تحت السيت ((المرتبه)) قلت والله ماتشرب لين تقطني

وعطيه من الكلام الي ماينقال بعد ايام انا سحبت منهم ولا كني اعرفهم

مره شوي يوم جاني خبرهم في السجن العام بقضيه مخدرات الله

يبعدها عنا وعنكم ((والحمدلله ابشركم اني تركت الدخان من يوم سمعت عنهم))
الشاهد((بس بغيت اوضحلك انا بعض الخويا تغتر فيهم وبعدين يطلع العكس))

وسامحوني على التعبير والله من جنبها

اخوك ((الوافي من الخبر


*6 *6 ))