غصب عن عين جرحي اقبل اعذارك
واسامحك لو نهتني عزتي دونك
كثر الخطا ياحبيبي زاد مقدارك
مع كل هذا اخاف تخونك ظنونك
لا ترتبك لا تحاول تفضح اسرارك
اقراك كلك على بعضك من عيونك
ياحلو طيشك مع عنادك مع اصرارك
وياقو باسك وبنفس الوقت ياهونك
مع كل طاري تجيني اخر اخبارك
واذا نسيتك تذكرني بك طعونك
لا جيت ابختار غيرك ارجع اختارك
ولا جيت اخونك ازيدك عشق واصونك
عندي خطر جنتي هي بالهوى نارك
وبالظبط فيني جنون يشبه جنونك
اترك خطاياك واترك اعذارك
وانسى عذابي وقلي انت وش لونك ..........