.

طيب نرجع للموضوع خطوه خطوه ...


انا صح مش من المملكه بس عندي فكرهكيف هو الحال فيها من حيث ..

أولا ... الكبت الزائد بين الاسر السعوديه للبنات يعني الفتاه ممنوعه من كل ترفيه والثقه اكيد شبه معدومه وكل شي حرام وكل شي غلط ...

بس والله وجدام عيني شفتهم بلندن ماشاء الله عليهن ما يفرقن شي عن بنات الغرب ...

ما اعيب بس هذي نتيجة الكبت الزايد ...

وبالنسبه للاسر السعوديه اذا حبينا انا نحدد يجب على الارشاد الاسري ان يزيد من الوعي لديهم يعني منح الفتاه ثقه هذا ما يعني انها خلاص .. على الدنياالسلام..

لا يعني تكون واثقه من نفسها وواثقه من تربيتها والمجتمع يحترم وجودها حنا ما نقول تساوي بالرجل لان الرجال قوامون على النساء بس ع الاقل تعطونها الحق الذي منحها الله اياه..

انا مره شفت بالطياره ابو يقول لبناته روحن البسن العباءه خلاص وصلنا .. طيب ليش هو سمح لهن بعدم الاحتشام بره ويوم انه وصل دوله عربيه خلاص صار الاحتشام بالغصب!!!!


شوف اخوي هذي تكون نبته بنفس البنت يعني هي كيف تربت ..

اذا تطرقنا لدول عربيه يمكن نشوووف البنت اكثر ثقه بنفسها من المملكه يعني تروح تجي بس بما يرضي الله تعالى بشور والديها ومعرفة اهلها ...

ومافي بلد ما فيهاالزين والشين ...

واذا رحنا لسالفة الشباب وتصرفاتهم الطايشه ... وبكل صراحه نشوف اكثر الحالات بالسعوديه ..
واذا مش فيها اكيد تذكره وسفره لاحد الدول وهناك يصير المنكر بس بره المملكه يعني الجذوووووور ...

اخوي ...

الاهل مسوؤل .. الشخص نفسه مسؤول ... الدوله والهيئات لهااكبر الاثر بعد ..

حنا ما نقدر نعالج المشكله لان انااشوف ما في اي مشكله ...

اذاانت تشكي من وحده ماردت عليك السلام لا تعم تصرفها .. واذا انت عجبك تصرف وحده اجنبيه ردت عليك بصباح النور وهي تضحك وسعيده وكاشفه اكيد وعادي عندها لو تجلس معك وتروح وتجي ... اخوي صدقني انت تفرح للانك بعيد عنها وهي ما تمت لك بصله ...


بس لو تجي تتمعن ان في بنت اماراتيه او سعوديه ترد على واحد وتسلم وتكثر بالكلام وياه شوووووووف نفسك شو بتقول عنها ...

مابتقول هذي متحضره وعندها ثقه بنفسها ... صدقني لا


بتقول هذي وين اهلها عنها ماربوها واحشموها ببيتها .. ووين الهيئه عنها هي وامثالها ..


اخوي العزيز

حنا بلد او بلاد عربيه لا يشرفنا ان تشبه بالغرب ولا يسعدنا ذالك ..

والحمد الله عايشين بخير ونعمه وبالعكس نذم اي سلوبك غربي يحط على بلادنا لانا شعب مسلم لا يرضى برخص نفسه ..

انا ما ؤايدك برايك لا ... بس انااقول لو ان البنت بالسعوديه تمنح حقا بالحريه المحدود والثقه المراقبه صدقني البنت بترد السلام بس بادب وحشمه ولا بتشوفها متكبره ومتعجرفه ...

اخوي

بارك الله فيك .. احييييك على روح الحوار الجاد

مودتي لك


اختك

...