أحس بضيقةٍ بالصدر مدري وش سبايبها
حزين ومنكسر وأبكي ودمع العين مشقيني
ألوم النفس وأقهرها أسايـرهاوأعـاتبها
وألوم الحظ وأدعي له وأحاتي باقي سنيني
بلتني دنيتي بهموم وأشقتني مصايبها
وأحس بجمرةٍ بالجوف تحرقني وتكويني
عيوني تذرف دموعي على نفسي تحاسبها
ونفسي تشتكي دمعٍ من أحلامي يصحيني
هـمومي تقتل آمالي بـعـيدة ما تـقربها
وحظي عاثرٍ جنبي يعذبني ويبكيني
سنين العمر تمضي بي على أرخص مراكبها
مجاديفي ضلوع القلب تدفعها شراييني
وبحرٍ بعبر أمواجه دموعٍ كنت ساكبها
على حالي وآمال تلا شت يا نظر عيني
أعاصير الزمن هبت على قلبي هبايبها
وشالتني من أحلامي وبالاوهام ترميني
حياتي واقعٍ مؤلم كذا المعبود كاتبها
أنا صادق بإيماني والمقسوم يرضيني
جمعت أوراق لسنيني أعددها وأرتبها
وأسلي خاطري وأكتب شقاي بدمع من عيني
=========
مــــهآآآآآآآآآآآآجــــــــــــرة