اقتباس المشاركة الأصلية كتبت بواسطة الطلحي2000 كـلما هـبّـت ذعـــــاذيـع النســـيم= ســـــــال دمع العين والقلب إنكوا هيّـض الأشــــواق للعهـد القـديم= فـي زمــان راح ولّــى وأنـطـــوا ماعـــرفنا الشين والمقصد سليم= بالليـــالي المـقـمـره نلعب ســــوا مـــرّة نرحــــــل ومـــرات نقيم= نتبع البـــــرّاق إلا نـــــوره ضوا نسكن الخيمه وفرش من الأديم= وشربة القربه على الضامي دوا والزهـور بريحها تشفي السقيم= والقمرفي عـــــالي العرش إستوا ماأحلى نورالشمس مخلوط بغيم= والحــيــا يطـــــربه نسناس الهوا حولنا الصـــدقان والجارالحشيم= لابـــة من ضـــــافها ينسى الطوا عـــزوة في حضرة اليوم الكعيم= غصــــة للـــــــي بـنـيـــــاته نــوا يكـــــرمون الضيف والله الكريم= مســـكنين الليل لـــــو ذيـبـه عــوا ماتشوف الخـوف والراي العديم= خصمهم في آخــــرالأرض إنزوا فيها روح الــــود والطـبع الحليم= حـــــــربة للي تــمــرّد فــي الغـوا من نــــواها شــــــرمـاعقله فهيم= ياصـــلونه قـبـل حــيله مــــاقـــوا يــــــاردون الماء في الليل العتيم= كــــلهم واللاش قـــــــاعد ماأرتوا والصلاة وجـوب من رب رحيم= عـلى الــــــذي خـتـم النبوّه إحتــوا الله عليك يالطلحي2000 والله مثلماتغنيت بالماضي فقد هاضت هواجيسي لذلك الزمان وأي زمان؟ زمن الوفاء-الكرم-الرجوله-الحميه-زمن البساطه والقناعه آه على ذاك الزمن يعطيك العافيه