[QUOTE] اقتباس المشاركة الأصلية كتبت بواسطة الحصان [ALIGN=CENTER][TABLE="width:70%;"][CELL="filter:;"][FONT=Traditional Arabic][SIZE=5][COLOR=black][ALIGN=center]الحين فضيتلك . << ياويـلي اقتباس المعسكرات ماأشوف فيها أي مشكلة . ومستحيل تكون هذه عذر لأن هذه كاس عالم وفترة 4 سنوات تكفي للتحضير . وبعدين الشباب من الشتاء وهم في المانيا . وحجزون لهم مدينة كاملة . يعني المسؤولين بالاتحاد السعودي ماقصروا من هذا الناحية . وسوو دورهم وللي مطلوب منهم وأكثر من ناحية المعسكرات . انت يا حصان مسكتهم من اليد اللي ما توجعهم وهذا اللي يبغوه هم .. اش الفايده يا حصاننا لمن نحجز فندق ومدينه ونحجز الجمهور ونقلهم تعالوا شجعونا في كل تمرين واحنا رايحين الملعب وزفونا بالورود و اعملوا هيصه وزيطه وزمبليطه طيب والمهم .. مظاهر وتعبنا وطفشنا منها المخابر وين ؟؟ وين الشغل .. وين العمل الجاد .. وين الشي المهم والاهم 4 سنين ما اشتغلنا فيها صح الا في اخر شهر !! تخيل !! 4 سنين نتريق في المعسكرات .. لاعب يروح لاعب يجي اعلام كل يوم والتاني يتضاربوا فيما بينتهم احقاد واختلافات متبادله .. والنتيجه .. منتخب متهاكل الاعمده !! اقتباس ندخل الحين على التشكيلة يلي هي مربط الفرس . التشكيلة كانت رائعة . وماكان أفضل مما كان . مع أني مقهور على لاعب انهضم حقه . ولاأخذ فرصته باللعب . والله لايوفق يلي كان السبب وطبعا قصدي باكيتا . ياأخي مالك معاذ ليه المدرب ماخلاه يشارك مثل البشر . أنا نصراوي ماني أهلاوي . لكن مالك معاذ كان المفروض ينعطى فرصة أكبر . ولاسيما أنه كان الحصان الاسود في الدوري السعودي . لكن عموما هو من ضحايا باكيتا . طبعا اخوي حصان من غير تلميح للتجريح .. مدرب اتينا به في هذا الوقت .. من اكبر المصائب ان نتدخل ونغصبه على تشكيله هو يرى غيرها .. اوكي احنا نعطيله رأينا في اللاعب الفلاني بس انك تجيبـه في وقت عصيب .. وكمان تجبره على اشراك فلان وعلان .. انت بتسوي زي المثل القائل ( شحات .. ويتـشرط !! ) مع كامل احتـرامي لك ولكل المسؤولين .. خلاص .. رغم اني مويدك تماما في الرأي .. لكن اش بتسوي .. قـناعة مدرب يعرف مالك معـاذ وياما جهز مدافعين فريقه وحذرهم منه من قبل ما يعرف ان كان حيدرب المنتخب ولا لا !! لكن قانعته ولا حتقدر تغير فيها شي !! واحنا ليش نتكلم من الصبح ونقول هاتوا مدرب ( خبير ) لاربعه خمسه سته عشره سنين قدام يبـني منـتخب من اول وجـديد .. مو كل مدرب من مدربينا ان كمل سنتين يعتبر انجاز !! ولو كنا مره مستعجلين ونبغى نتائج .. سريع سريع اقرب لنا كمثال .. مدرب على هيئة ( هدينيك ) الهولندي .. مدرب يجي يزبط لك منتخب من احلى المنتخبات .. بس انسى انه يستمر معاك اكثر من 3 او 4 سنين همه كله انه يشرفك في كاس العالم .. بعدين يروح يشوف رزقه في مكان ثاني وشوف ماشالله من 2002 الى 2010 من كوريا على استراليا والان على روسيا ان ما خاب ظني .. 3 منتخبات خلال 8 سنـين واحنا منتخب واحد نجيب ( 8 ) مدربـين .. خلال 3 سنين !! اقتباس المباريات الودية ماأشوف كان ممكن تبدل والا تغير . لأن كل مبارياتنا الودية كانت خسائر . ماعدى مباراة واحدة تعادل . اكيد ماراح تبدل طول ما المنتخبات اللي انت منقيها تلعب معاك ما تاهلك للغرض اللي تبغاه .. هنا بالذات ما نقول الا ( مقادير .. وش ذنبي انا ) اقتباس تعرف شنو يلي مجنني أكثر . الأرجنتيني كالديرون هو يلي وصلنا لنهائيات كأس العالم . وعارف كل اللاعبين واسلوبهم ومراكزهم ومزايا ونقاط ضعف كل واحد فيهم . مشوووه وجابوا لنا باكيتا قبل كأس العالم ب4 أشهر . شي عجيب والله العظيم . كلامك صحيح يا غالي .. مادام النيه مبـيته لاخراج كالديرون .. ما عرفوا يخرجوه الا قبل كاس العالم بفتره بسيطه !! اقتباس الاعلام شي طبيعي انه يرفع مستوى لاعبينا . أغاني وشعارات كلها شي طبيعي . يعني والله حيرتونا لو الاعلام قصر كنتم قلتم الاعلام مااعطى حق اللاعبين ولا المنتخب . واذا ماقصر قلتم سوى منتخبنا مثل البرازيل وخلانا نحس انه راح ياخذ كأس العالم . الاعلام كان صح 100% بالعكس اشوفه سوى يلي عليه . لكن شنو الفائدة لا يا حصاننا .. الشي ان زاد عن حده انقلب ضده .. وامكن تكون انت ما تابعت القنوات الغنائيه كما ذكر اخوي بركان .. التي بطلت تجيب اغاني الرقص والمياعه وصارت جل اوقاتها لاغاني المنتخب !! البرازيل الي هي البرازيل ما سوت هالشي !! اوكي نجيب اغاني ونحمس اللاعبين ونوريهم انه الشعب كله متحمس لشي طيب يشوفوه في المانيا .. بس مو لدرجة انه الطيب يصير ( مر ) !! اقتباس الكلمة الأخيرة كانت للــ**** باكيتا . أجل يارجل ينزل مبروك زايد يلي مالعب ولا مباراة ودية مع المنتخب قبل كاس العالم . ويخليه يتدرب في كأس العالم !!!!. نعـيد ونقول يا حصاننا بلا تجريح الله يرضى عليك باكيتا لمن جا المنتخب .. مو كل الشعب السعودي أيد اللي جابه !! حكاية مبروك يلعب مباراه او غيرها ما اثرت كثير على اللاعب ولعلمك اقل واحد يتضرر من انقطاع اللعب هو الحارس .. لانه سهل تدريب واحد مساحة عمله وشغله سبعه امتار في اربعه امتار ونص << ان شالله جبت القياسات صح وبعدين الباقي داخل الــ18 وفوق هذا كله .. ماشالله على مبروك زايد انت اول واحد اشدت بيه في مباراة تونس ومن ثم في مباراةا سبانيا واستثني اوكرانيا لانه لا الجو ولا المنتخب ولا حـتى اي عامل كان يساعد اي حارس على تفوقه في تلك اللحظه .. لاعبـين دخلوا بكامل الاستهتار بالخصم .. والله يرضى على اللي زرع فيهم الثقه الزائده والله يرضى على اللي ضحك عليهم وقلهم ( هادي الحذيان والجزم اكرمكم الله مناسبه للمطر ) وصار وقتها اللي صار .. رغم انه مبروك لعب جل مباريات التصفيات ولعب مباراتين في الوديات !! اقتباس في النهاية أقول كلمة لو من فعل الشيطان . وخلنا نشوف لقدام . ونحضر منتخب صح على اسس صحيحة وشباب جدد ودم جديد . هادي ان شالله بنخصص لها حلقه خاصه لها .. والله يجيب اللي فيه اخير وتسلم يا غالي على مرورك ( الساخن )