لامى الحبيبة(الله يخليها لنا)
------------------------------------
السلام عليكم ورحمة الله وبركاتة
اخوتى فى الله
الصراحة قريت هالقصيدة واعجبتنى جدا وقلت انقلها لكم
الى امى
يمـه فديتـك مـن همـوم اليالـي
يمه عسى ما شـر شفتـك تونيـن
يمـه خـذي مالـي وهـذا حلالـي
يفـداك وانتـي للمعانـي تعرفيـن
يمه تـرى منسـى خيالـك قبالـي
يمه خيالـك مسكنـه داخـل العيـن
إليا سمعت الصـوت ينسـر بالـي
وانسى هموم الوقت وانسى الدواوين
يمه تـرى الجنـه معـك والمعالـي
يمه قدم رجلك أحطه علـى العيـن
أذكـر زمـان اول وانـا فالدَلالـي
أذكر تعبتـي معـي وانتـي تربيـن
من كثر ما ركض من يمين وشمالي
واتعبك ما همي سوى اللعب تدريـن
وتقولي اجلس يـا وليـدي ومالـي
وانا مع الشارع ولعـب الوراعيـن
احيان اقول إنـي صغيـرٍ وسالـي
العب مع الجهـال لعـب الشياطيـن
يوم اتذكر وش جـرى فـي خيالـي
مدري عن الأيام وشلـون تمشيـن
يوم إني اكسر خاطـرك مـا ابالـي
ما همنـي يمـه صغيـر ومسكيـن
واذكر زماني يـوم اشـق الريالـي
يوم الهلل والقرش يسوى الملاييـن
يا حسرتي يا وقتي اللـي مضالـي
يوم(ن) اشوفك طول الأيـام تبكيـن
مدري مـرض ولا همـوم تصالـي
مدري تعب مدري كثر مـا تحسيـن
يمه عسى روحـي وحالـي ومالـي
فدوه لدمعـك يـوم للدمـع تخفيـن
يمـه لـو الأيـام تشـرح سؤالـي
سألت أنا الأيام وينـك وانـا ويـن
وسألت دمعـك يـوم بـل الشيالـي
يا دمعة تسـوى كنـوز السلاطيـن
وسألت حر الشمس ويـن الظلالـي
وسألت قمرى الليل ما نورت زيـن
يمه أبي منـك السموحـه ولا لـي
مطلب سوى تعفين عني وترضيـن
واخذي مـن الدنيـا وكـل العيالـي
أنتي لنـا الراعـي وحنـا رعييـن
وستأذنك وقتى تـرى مـا صفالـي
ادعي لمن ضاقت عليـه الفلاتيـن
ادعـي لمنهـو بيـدتـه الليـالـي
عسى زمان راح يرجـع وترضيـن
وصلاة ربـي عـد رمـي النبالـي
على نبـيٍ وضـح الحـق والديـن
الله يخلى لنا امهاتنا جميعا يا رب ان شاء الله
مع احترامى%%محتـ ـ ـار%%