المسأله مو مسألة غرور أو تكبر أو شوفة نفس
المسأله ومافيها أن الرواتب اللي كذا ماراح تجيب همها
يعني ١٥٠٠ ريال وش تسوي هاليومين
أنا طالب ومكافأة الجامعه اللي أخذها ماتكفيني عشرة أيام
هذا وأنا طالب ماعندي أي مسؤليات
بعدين من قال أن الوظائف اللي كذا خطوه في طريق الالف ميل
الوظائف اللي كذا خطوه ثابته ماتتحرك
العالم تروح وتجي وانت مكانك سيرر
صدقني الكلام اللي اقوله هو الواقع
وخلينا من شعارات وزارة العمل والكلام الفاضي حقهم
وخلي مسؤلي وزارة العمل يوظفون عيالهم في الوظائف اللي كذا أذا كانوا صادقين
بس أنا متأكد أنه مافيه مسؤل يرضى أولاده يشتغلون في الوظائف اللي كذا مهما كانوا فشله
لانه عارف أنها ماتجيب همها
ولأنه مؤمن أن نظرة المجتمع لهم راح تكون أقل من المتوسط
يعني رجاء اللي ماترضاه لنفسك لا ترضاه لغيرك
الكلام هذا مو موجه لك صديقي ( الشاكي )
ولكنه موجه لاولئك الذين أزعجونا ليل نهار
يجيك المسؤل في التلفزيون
ويجيبون له شاب شغال زبال ولا معلم شاورما
والمسؤل يصرف على العالم من أبو ريالين
ماشاء الله يابني
أنت مثال لابن الوطن المكافح
وخذلك من هالرخيص
وأنا أحلف أن هالشاب لو خطب بنته
ماراح يرفضه وبس
لكن
راح يكرشه ويلعن خيره
لا لسبب
الا لانه نكره وحثاله في نظر المسؤل الذي يعبر في النهايه عن رأي غالبية المجتمع
ِ