[الشاكـــي]

مساء الخير والاحساس والطيبة

مساء الحب والحنان لكل القلوب الساهره

انا طفشان وحاب اتعرف على بنت اذا ممكن....

الحب ونااااسه بس خلينا نجرب .....

معاكم العاشق المجنون الي يحب الحب بجنون..

يالله انتظر رد منكم ياحلوااات..

وبعدين معاك خل الترقيم بعدين خلنا نفرفش

الصاعق يمسي عليكم بالخير ممكن نتعرف..

هلا العاشق معاك دلعها غير ممكن نتعرف

الكنترول ممكن الاماكن بلييز واهديها للجميع..............

هذي ياشباب صوره مصغره لقنوات الشات التليفزيونيه...

وكنت حاب اتكلم بها الموضوع من زماااان...

هذي القنوات الي بدت تغزونا بكثره,, وتنوعت اشكالها وطرقها....

بعضها يحط الشات ومعاه اذاعه,,,
والثانيه ماشاء الله عليها اخلاق تحط شريطين دردشه وتحط قناة شعر ...
وقناه بايعتها تحط فيدو كليب ورقص شرقي وغربي ...
والشباب والشابات مدهرين رسايل..


ياجماعة الخير الى متى احنا كذا ضعاااف.. مانقاوم الاغراءات...
يعني كل واحد عاقل يعرف انو مافيها فايده الشات على التلفزيون لاسباب كثيره..
ومنها ان الهدف من الرسايل هو كسب الفلوس للقناه....
فيمكن البنت الي تبي ترقمها تكون من الكنترول او من نفس منسوبي القناه.
وياكثر الفبركه واللعب..لا والاسوا من كذا ..أعرف مقياس حبك في قلب حبيبتك؟؟
يعلمون الغيب وانا مدري ؟؟؟؟؟


بس لو نوقف مع بعض دقايق شوي..
ونشوف قد ايش القنوات هذي تكسب على ظهور الي يراسلون فيها..
وانو هم سبب انتشار القنوات هذي .... اقل الاسعار هي الرساله بثلاث ريال
يعني لو باليوم نحسب جات 200 رساله وهذا شيء قليل,
يصير باليوم الواحد كسبت 600 ريال
بالشهر18000 ريال,,
بالسنه 216000 ريال .....
ياناس والله مايجووووز الفقراء والمحتاجين بالعالم افيد لهم هالفلوس..


بالختام انا بانتظار ارائكم وردودكم,,,

ويمكن احد فيكم عنده رأي ثاني يقوله...

مع التحيه اخوكم الشاكي..