[(كيووت )]

	في أستاذ مدرسة أجته بعثة على دول أوروبية، فأخذ مرته وراح ، وما في تسع شهور وإلا مرته حامل وجابتله ولد أشقرعيونه ملونة ، فاستغرب الاستاذ وسألها: شو هاد. فجاوبته: شو بدي ساوي أنت بتروح عالمدرسة وأنا بقعد عالبلكون أوروبي رايح وأوروبي جاية الظاهر إني توحمت على شي أوروبي. فهز راسه الاستاذ وقلها: ما في مشكلة إذا هيك. وبعد فترة أجته بعثة على دول جنوب افريقيا وكمان ما في تسع شهور وإلا مرته حامل وجابتله ولد أسود شفافه كبار وشعره مكزبر، نط الاستاذ وقلها: شو هاد يامرة قالت له: شو بدي ساوي أنت بتروح على المدرسة وأنا بقعد بالبلكون جنوب إفريقي رايح وجنوب إفريقي جاية الظاهر إني توحمت على شي جنوب إفريقي. قلها إذا كان هيك ما في مشكلة. وبعد كل ها الشغل رجع على بلده على بيت أهله وهونيك استقبلته أمه، واستغربت أشد الاستغراب وقالتله مين هدول. قلها: ولادي، قالتله: وكيف هيك ، فشرح لها أن مرته مرة توحمت على أوروبي ومرة على جنوب إفريقي، فهزت راسها وقالتله : بتعرف يا ابني أنا صار هيك معي وقت ولدتك. قلها: معقول ماما ولا مرة حكيتيلي هاالشي. قالتله : أبوك كان يروح على الأرض وأنا قاعدة بأرض الدار، حمار رايح حمار جاي!!! وهادي كمان حدوته حليوه الأول : كيفك يا زلمه وكيفو أبوك إن شاء الله تحسن؟ صار لي سنين ما شفتك الثاني: أنا ماشي حالي الحمدلله بس الوالد عطاك عمرو الأول: العمر إِلَك.. بعرف كان عندو القلب يالله الله يرحمو الثاني: بس والله ما مات من القلب الأول: معكول هالحكي؟! كيف توفى؟ الثاني : الله يرحمو بآخر فترة ضعف نظرو كتير مرة طلع ع البلكون ما شاف الحفة وقع وبتعرف بيتنا تالت طابق الأول : لَهْ لَهْ على هالموتة، بكل الأحوال الله يرحمو الثاني : والله تعذبنا فيه كتير وعملنالو شي 12 عملية لَتْحَسَّن الأول : لكان كيف توفى؟! الثاني : صار يحمل عكازة ومرة عم يقطع الطريق، سيارة مسرعة خبطتو الأول: يَهْ يَهْ يا لطيف ... الله يرحمو الثاني : ربك رحيم كان فيه جار إلنا حطو بالسيارة ولحقو ع المستشفى بس النزيف الداخلي كان رهيب الأول : الله يرحمو بكل الأحوال الثاني : بس سفرناه على إسبانيا وضلينا شي 6 أشهر عم نعالج فيه والحمد لله تحسن الأول : طيب كيف مات !! الثاني : صار معو فشل كلوي حاد وصرنا ندور على متبرع كلية وتأخرنا وصار معو تسمم الأول : الله يرحمو ارتاح الثاني : بالصدفة إجا شخص بيعرفو من زمان تبرعلو بالكلوة بآآآآآآآآخر نفس الأول : لكان كيف مات !! الثاني : والله مرة بالبيت وهو قاعد ما انتبه ع الغاز احترقت الشقة وهو لحالو فيها الأول : يا لطيف على هالموتة ما أبشعها الله يرحمو الثاني : بس والله جارنا الله يجزيه الخير كسر باب البيت ولحقو بآآآآآآآخر لحظة الأول : لَكْ فهمنا كيف مات !! الثاني ((( والله اضطرينا نطخُّه آخر شي )))