بسم الله
انـا العزوبـي واتقطـع تقطـاع .... علـى زواج البنـت تدمـع عيونـي
انا العزوبي وين مارحـت مرتـاع .... زيـن العذاراء يالعـرب جننونـي
اشوفهم في كل روحه ومرجـاع .... مـن حيـث ماوليـت هـم عذبونـي
فالبيت فالتلفـاز والصـوت مذيـاع .... حتـى العمـل يانـاس مافارقونـي
وليا نويت السوق ناوي تبضاع .... اروح وارجـع منخطـف حيـل لونـي
ارجع وقلبي حايسٍ بيـن الاضـلاع .... مـن زود دقاتـه تخلـع امتونـي
اللـي تغنـج فالمشـي بالتـدلاع .... واللـي تناظرنـي بطرفـن فتونـي
وام العيون السود والرمـش قطـاع .... وام الجدايـل والكحـل بالجفونـي
وام النقاب اللي تمصعـك تمصـاع .... قـدام عينـي والبشـر يشهدونـي
كنها تمتع في عذابي تمتـاع .... وانـا العزوبـي كـان ربـي ف عونـي
واهل الجنوز الضيقه واهل الاوساع.... مدري وش اللـي حدهـم يلبسونـي
منهم تجرعت المراره تجرا .... عفـي كـل يـوم يزيـد همـي وحزونـي
لو نطلع المريخ فـي لحظـه وسـاع ....نلقـى العوايـل قبلنـا يطلعونـي
من بعد طرح وجمع وهموم وصراع.... قررت انا اخطب بنت وانهي ظنوني
وفي ليلة الفرحه تقول اني مرتاع.... ومـن زود مافينـي تراقـل سنونـي
ابوها قال اليوم مانـي بطمـاع .... عنـدي شروطـن للمهـر واعذرونـي
يقوم يوحي لي ويشـر بالاصبـاع .... يبغـي المهـر ميتيـن او يكثرونـي
يقول يبغى العرس في قصور واقلاع .... ونبغى ذهب لام العروس المزونـي
ونبغى الحلا والكيك مـن كـل الانـواع .... تبـون والا ياعسـا ماتبونـي
ناس ٍ تحسب البنت شروه ومبيـاع .... تبـي المكاسـب لـو زادت ديونـي
ماهمهـم لـو زاد همـي والاوجـاع .... ماهمهـم ياكـود ملـي البطونـي
يامؤمنـن بالله ساجـد وركـاع .... بنتـك امانـه حـاذر انـك تخـونـي
لا تعنس ابنيتك في سّبت اشبـاع .... نفسـك وجمـع افلـوس ماينفعونـي
بكره ليا جتـك المنيـه والاوجـاع .... تنـدم ولا ينفعـك دمـع العيونـي
الخيمه اللي بدون عمـدان وشـراع .... يمكـن تطيرهـا الهبايـب بهونـي
انـا العزوبـي واتسكـع تسكـاع .... تكفـون بالله يالعـرب زوجـونـي
....
وقووولو معي امين الله يهدي اوليا الامور ولا يغلون المهور ترون حنا على وشك يجينا اهبااااااال ولا يا عزوبيه