الـلي يـبينا عـيت النفس تبغيه
واللي نبي عي البخت لا يجيبه
مثل معبر وجميل يردده الكثير والقليل منهم يعرفون من
قائله والمثل ليس الا بيت من قصيده لشاعرة التراث
نوره بنت حوشان وهي شاعره سعوديه لها العديد من
القصائد التي غالبا ماتتحدث عن معاناة او مواقف مرت
بها الشاعره....
ياعين هلي صافي الدمع هليه
واليا انتهى صافيه هاتي سريبه
ياعين شوفي زرع خلك وراعيه
شوفي معاويده وشـوفي قـليبه
امنول دايم ال رايه نماليه
واليوم جيتهم علينا صعيبه
وان مرني بالدرب مقدر احاكيه
مصـيبه يــاكبرها من مصـيبه
اللي يـبينا عيت النفس تـبغيه
واللي نبيه عيا البخت لا يجيبه