عقب الغيــاب اللي ذبح واهج الشوق
ياكيف تحيا بالحشاميت الأشــــــــواق
مثل الرماد اللي غشى النار من فوق
تحت الرماده واهج الجمر حـــــــراق
مامــــــــات حبٍ مسكنه قلب وعروق
لو كان فيـــــــــه من العنا بُعد وفراق
يوم أقبلت مدلولة الحُسن برفـــــــوق
فـــــــز الخفوق اللي من العام مافاق
عقب الجفا علم على الكبد بحـــــروق
الله كتبلي شوف مملوح الأخــــــــلاق
بكيـت وراحت من الهمــــــس منطوق
همسٍ بزين الحيا همـــــس مشتــــاق
صح لسانك الف مليون ... بصراحة اذهلتني كلاماتك ... واستثارني وصفك العذب
سجل اعجابي الشديد بها ... و لا عدمناك