يازين وينـك سـود الهـم دنيـاي==وين انت قلي يـا كثيـر القطاعـة
تضحك لي الدنيا إذا صرت ويـاي==وتعبس بوجهي لو تغيبيـن ساعـة
يا شين حالي يوم قالـت لنـا بـاي==وانا عشيـق ٍ مـا اتحمـل وداعـه
كني كسيرٍ وانحرم شربـة المـاي==ولا رضيعٍ انفطـم مـن رضاعـة
لو كان قربه ينشرى كنـت شـراي==يشريـه قلـبٍ مـا تنكـر وباعـة
ربيع عمري جف من حر صحراي==وغيري من الامطار ما جف قاعـه
وصلك حلم يا غاية الروح ومنـاي==ومالي بغيرك يـا حبيبـي طماعـة
أصبحت عقبك تايه الفكر والـراي==واصبح حزين الحرف يشكي ضياعة
الحزن عقبك بحر والهـم مرسـاي==والفرح مركب تاه حطـم شراعـة
ورغم الجفا ولاصد مازال مبـداي==احـب خلـي لـو تغيـر طباعـة
والله يكون بعون مثلـي وشـرواي==اللي على الفرقـى قليـل المناعـة
في ذمتـك قلبـك تهنـى بفرقـاي==ولا مثـل قلبـي يزيـد التيـاعـه
مالي ونيسٍ عقبكـم غيـر مركـاي==ولا زارني طيفك نسيـت الجماعـة
وليلٍ وشعر وحزن وبيالـة الشـاي==ولحـنٍ حزيـنٍ أستلـذ بسمـاعـه
حاولت أداري بس يفضحني بكـاي==لا جابـو اسمـك أفتقـد الشجاعـة
والله يستر يا حبيبـي مـن الجـاي ==أخاف اموت إن طال منك القطاعـة
ســلآمــتـكــــمـ
آخوٍكـ،ـم