اقتباس المشاركة الأصلية كتبت بواسطة جوال بدون شريحة السلام عليكم ورحمة الله وبركاته اخوي اعذرني لاني بتكلم باللغة العامة ... واعتقد مو مهم اتكلم باللغة العربية ولا العامة المهم اني اوصل لك اللي بخاطري وعساه يفيدك ويفيد صاحب المشكلة اول شي يمكن مااقدر اعطيك اكثر من اللي قالوه من هم فوقي لكن اخوي الكريم كلنا محتاجين للصداقة وحتاج لها ... والله ماخلقنا الا البعض وذكر الله في كتابه ... وماخلقناكم شعوبا وقبائل الا لتعارفو... بما معناه واشياء واجد تستلزم عليك تدور على صديق سواء كان ... للشكوى واخذ الاراء او كان للترفيه ووالوناسة او كان للسوالف ...... الخ لو بتكلم من اليوم لبكرة ماراح اقدر احصرها والكلام بيطول وانا ماودي اطول عليك .... لك النصيحة وهي قابلة للصواب وقابلة للخطأ انا فهمت من كلامك ان صاحب المشكلة . مجبور على الجلسة معهم .. ماادري مجبور لانه ضايق صدره ووده يتكلم ويسولف ..ويتونس . الخ ولا مايبيهم بس مجبور فعلا ومقتنع بانه يتركهم عموما لك رايي اذا كان ضايق صدره ووده يتكلم اخوي اذا صاحب المشكلة يقدر يونس نفسه بنفسه .. فهذا شي عظيم واذا ماكان كذلك ... واجبك تكلمه حلو الانترنت .. حلو الشات .. حلوة المنتديات ... حلوة الكتب اشياء واجد يقدر يسويها وتغنيه عن الجلسة مع اصدقائه يحاول يدور غيرهم .... طبعا افضل ... مو مثلهم او اردى منهم اخوي انا مو قصدي يتركهم لانه ماراح يقدر ... مو ضعفا فيه .. اسف .. بس انت قلت انه مجبور لكن يخليهم اخر من في القائمة ... ويعتبرهم تكملة عدد اعجبني في صاحب المشكلة اهتمامه وانشغاله بالموضوع ... لكن لايحاول يخليهم يستغلون طيبته في المصلحة انا ماارفض انه يعطيهم .. لا ... لكن يعطيهم بارادته وموافقته .. حتى لو مثل عليهم انه غبي وانا ماانصح فيها .... وعذرا على هالكلمة يجرب اول يوم وثاني يوم .. وثالث يوم ... وكل مرة يزيد الجرعة على نفسه ويقلل .. بحيث انهم مايحسون بانقطاعه المفاجئ .. ومايستنكر هو نفسه التغير على نفسه اخوي ... نصيحتي قد لاترضيك .... ويمكن ماارضتك لكن هذا اللي طلع معي واتمنى اذا في شي ودك تبينه . تبينه لاننا اخوانك وبعد الله محنا مقصرين معك نشكرك لانك فتحت لنا قلبك .... وعسانا قدها اخوي اذا في مجال اطلبك ... ياليت تبين شلون صاحبك مجبور على جلستهم يمكن مو لي ... لغيري ... لي عودة ان شالله الف تحية قبل ان أناقش معك أحب أوصلك الامانه التي اوصاني ايها لك ( يعلم الله العظيم ان كلامك دخل في قلبه بوضوح تام وانه هو الان يشكر من صادق روحه ويطلب من الله ان يجزاك كل خير ) فـ الحقيقه تعقيب على كلامك و رداَ على سؤال الذي كما تفضلت بشأن انه كيفية أجباره على مجالستهم ..الجواب :مجبور لانه ضايق صدره ووده يتكلم ويسولف ..ويتونس . الخ ولانه ايضاَ لو أبتعد عنهم راح يبقى وحيد في بيته علماَ بـ أنه ما له غيرهم أحد. اهو لا ينكر انه له أصحاب بالدرسه وغيره لكن هو يخاف انه يقع في نفس المشكلة معهم لكنني انا ان شاء الله سوف اقف معه . والظاهر الحل مثل ما تكرمت بـ يلزم عليه ان ينسحب منهم تدريجياَ بدون ما يحسون بـ انقطاعه المفاجىء وان يحاول بقدر ما يستطيع ان يجد شيء بديل منهم مثل النت أو اصدقاء افضل وافضل منهم بكثير اسأل الله القدير يوفقك ويعطيك الف عاااافيه وايضاَ انا شاكر لك على وقفتك معه ومقدر لك على كل حرف كتبته من أجل إفادته ودمت بـ ألف خير خيال نـجد