اختي الملثمه اسعد الله صباحك كانك في الصبح وعمتي مساء كاني في المساء
بالنسبة لموضوعك يستاهل ان يلاقي تفاعل وردود مريحة وملامسة او بالاحرى قريبة للحقيقة
قد نرى اشياء لاترينها انتي وقد ترين اشياء لانراها نحن .... فالناس اراء مختلفة
بالنسبة لموضوعك شدني وحبيت اشارك وعل وعسى انه يريحك وان شالله ان جوال قدر
يوصل لك شي يساعدك في اتخاذ قرارك
مهما وصل فينا الاعجاب والانشداد لشخص معين لازم نحكم عقولنا ولازم مانخطي خطوة الا واحنا جازمين عليها وعارفين تاليتها
الرجل من طبعه انه يكون قوام وهو الي يكد ويكدح لذلك سمي رجال لانه يعتمد عليه لانه قدر يربى اسرة واعتقد مافي بنت عاقلة توافق على شخص ماعنده ثقة وماعنده كلمة هو قدها
اذا انتي ماعندك استعداد توافقين على شخص انتي ماتشوفين فيه صفات الرجولة الكاملة
عفوا اختي الملثمة ادري كلنا ناقصين ومافينا احد كامل والكمال لله لكن شي ينبلع وشي ماينبلع
اليوم ماواجه ابوي وهو رجال بكرة ماراح يواجهني وانا امرأة اذا انا ماادري عن تاليتها لكني عرفت بدايتها
الكتاب مبين من عنوانه
واللي هذا اوله ينعاف تاليه
ادري البنت عزها بعد الله وابوها في بيت زوجها
ادري في المجتمع السعودي خاصة البنت اذا ماكانت على ذمة رجال تكون دايما على السنة الناس
ادري الناس دايم السنتهم دايم تحرق ... ادري يمكن يتكلمون فيني وفي سيرتي واجد ويمكن الشي يجرحني ويزعلني
بس كله كوم والتضحية بحياتي كوم ثاني
انا ماعندي استعداد اخطي خطوة اندم فيها بقية حياتي .. انا ماعندي استعداد اقضي حياتي مع رجال ماله كلمة ماله موقف ماله قيمة بين الرجاجيل
عفوا اختي لاني تعديت حدودي وانا ماادري عن الرجال لكن من صفة وحدة نقدر نحدد صفات اخرى يمكن ماشفناها ولاعرفناها
اختي باختصار
الاستخارة حلوة وربي يلهمك باذنه الراي السديد
الدعاء برضه حلو وبينفعني ان شالله .... لكن بشرط .... ادعي بكل امانه ومن قلبي واكثر من الدعاء
تذكري ان للصائم دعوة مجابة
تذكري ان اليوم الجمعة وفيها ساعة لايرد فيها سائل باذنه تعالى
تذكري ان الله ينزل في الثلث الاخير من الليل فيعطي السائل ويجيب الداعي
انت يارب قد اخترت لي نصيبي فالهمني نصيبي والهمني الرشد انت مولاي وانت الهى
سبحانك عليك توكلت واليك المصير
في الاخير نجي احنا ياباقي الناس وتاخذين شورنا وارائنا ولك حرية الاختيار واللي يقدر يوصل لشي في نفسك تحسين فيه لكن ماتدرين وشو هذا اللي انا باخذ برايه ان شالله
واللي قدر يعطيني رايه وقدر يقنعني هذا اللي ان شالله باخذ برايه واحكمه بعقلي وكانه ناسبني توكلت على الله
تذكري اختي ان الخطوة اليوم قد تهدم حياتك ويمكن قد تبني حياتك
استخري مرة ومرتين وثلاث .. لكن بكل نية صادقة
لا اكرهك في الشخص المطلوب ولا انصحك في اتخاذه زوجا لك
لكن لا احكم مشاعري وانسى عقلي ولا احكم عقلي وانسى مشاعري فكلاهما لهم حق
ويبقى في الاخير ان اتذكر ابنائي فمن سيكون اباهم
اختي الكلمة الحلوة خذيها والكلمة الشينة سامحيني عليها وكل الاسف للاطالة
نتنمنى لك التوفيق في الدنيا والاخرة والله يكتب اللي فيه الخير
وان شالله الله يرزقك بمن يصونك ويحفظك ويعجل لك
الف تحية 
سبحانك اللهم وبحمدك استغفرك اللهم واتوب اليك